भारत आणि इंग्लंड या दोन्ही संघांमध्ये वर्ल्डकप २०२३ स्पर्धेतील रोमांचक सामना पार पडला. या सामन्यात भारतीय संघातील गोलंदाजांनी २३० धावांचा बचाव करताना १०० धावांनी विजय मिळवला. भारतीय गोलंदाजांच्या दमदार कामगिरीमुळे इंग्लंडचा डाव अवघ्या १२९ धावांवर संपुष्टात आला. या विजयासह भारतीय संघाने पॉईंट्स टेबलमध्ये अव्वल स्थान गाठलं आहे.
भारतीय संघ अव्वल, इंग्लंड बाहेर..
हा सामना सुरू होण्यापूर्वी भारतीय संघ १० गुणांसह दुसऱ्या स्थानी विराजमान होता. तर दक्षिण आफ्रिकेचा संघ पहिल्या स्थानी होता. या सामन्यात इंग्लंडला पराभूत करताच भारतीय संघ पॉईंट्स टेबलमध्ये पहिल्या स्थानी पोहोचला आहे.
भारतीय संघाने वर्ल्डकप २०२३ स्पर्धेत आतापर्यंत ६ सामने खेळले आहेत. हे ६ सामने जिंकून १२ गुणांसह भारतीय संघ अव्वल स्थानी पोहोचला आहे. तर ६ पैकी केवळ १ सामना जिंकणारा इंग्लंडचा संघ २ गुणांसह सर्वात शेवटी आहे. या पराभावसह इंग्लंडचा संघ वर्ल्डकप २०२३ स्पर्धेतील सेमी फायनलच्या शर्यतीतून बाहेर पाडला आहे.
या पराभवासह इंग्लंडचे वर्ल्डकप सेमी फायनलमध्ये जाण्याचे दार बंद झाले आहेत. इंग्लंडने पुढील ३ सामने जरी जिंकले तरी ८ गुण होतील. त्यामुळे इंग्लंडचा संघ सेमी फायनलमध्ये प्रवेश करू शकणार नाही.
टॉप -४ मध्ये कोण?
टॉप ४ मध्ये भारतीय संघ १२ गुणांसह अव्वल स्थानी आहे. दुसऱ्या स्थानी दक्षिण आफ्रिकेचा संघ आहे. दक्षिण आफ्रिकेने १० गुणांची कमाई केली आहे. तर ८ गुणांसह न्यूझीलंडचा संघ तिसऱ्या स्थानी आणि ८ गुणांसह ऑस्ट्रेलियाचा संघ चौथ्या स्थानी आहे.
श्रीलंका, पाकिस्तान, अफगाणिस्तान आणि नेदरलँडचे प्रत्येकी ४-४ गुण आहेत. हे संघ अनुक्रमे पाचव्या, सहाव्या,सातव्या आणि आठव्या स्थानी आहेत. तर २ गुणांसह बांगलादेशचा संघ नवव्या आणि इंग्लंडचा संघ दहाव्या स्थानी आहे.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.