भारत आणि इंग्लंड या दोन्ही संघांमध्ये ३ वनडे सामन्यांची मालिका सुरु आहे. या मालिकेतील पहिल्या सामन्यात मुंबईने शानदार विजयाची नोंद केली होती. मालिकेतील दुसरा सामना कटकच्या मैदानावर सुरु आहे.
या सामन्यातही इंग्लंडचा कर्णधार जोस बटलरने नाणेफेक जिंकून प्रथम गोलंदाजी करण्याचा निर्णय घेतला. दरम्यान प्रथम फलंदाजी करताना इंग्लंडला ४९.५ षटकअखेर ३०४ धावा करता आल्या आहेत. तर भारतीय संघाला हा सामना जिंकण्यासाठी ३०५ धावा करायच्या आहेत.
या सामन्यात इंग्लंडकडून डावाची सुरुवात करण्यासाठी फिल सॉल्ट आणि बेन डकेट ही जोडी मैदानावर आली होती. या दोघांनी मिळून ८१ धावांची भाागीदारी केली. दोघांनी सुरुवातीच्या काही षटकात दमदार फटकेबाजी केली. फिल सॉल्टने २६ धावांची खेळी केली. तर बेन डकेटने ६६ धावा केल्या. इंग्लंडकडून फलंदाजी करताना जो रुटने सर्वाधिक ६९ धावांची खेळी केली. तर हॅरी ब्रुक ३१ धावा करत माघारी परतला. कर्णधार जोस बटलरने ३४ धावा केल्या.
या सामन्यात वरुण चक्रवर्तीला पदार्पण करण्याची संधी मिळाली. त्याला या सामन्यात १ गडी बाद करता आला. भारतीय संघाकडून रविंद्र जडेजाने सर्वाधिक ३ गडी बाद केले. तर मोहम्मद शमी, हर्षित राणा, हार्दिक पंड्या यांनी प्रत्येकी १-१ गडी बाद केले.
रोहित शर्मा (कर्णधार), विराट कोहली, श्रेयस अय्यर, शुभमन गिल (उपकर्णधार), लोकेश राहुल (विकेटकीपर), हार्दिक पांड्या, अक्षर पटेल, रवींद्र जडेजा, हर्षित राणा, वरूण चक्रवर्ती, मोहम्मद शमी
भारतीय संघाने यापूर्वी झालेल्या टी-२० मालिकेत इंग्लंडला ४-१ ने धूळ चारली होती. आता ३ वनडे सामन्यांची मालिका सुरु आहे. मालिकेतील पहिला सामना नागपूरच्या मैदानावर पार पडला होता. या सामन्यात भारताने ४ गडी राखून विजय मिळवला होता. आता दुसरा सामना जिंकून भारतीय संघाला या मालिकेत विजयी आघाडी घेण्याची संधी असणार आहे.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.