India vs Australia, Head To Head Record: क्रिकेट हा खेळा अधिकृतरित्या सुरु होऊन १४७ वर्षे होऊन गेली आहेत. या १४७ वर्षांमध्ये अनेक रोमांचक रंगल्या. मात्र प्रेक्षकांना मैदानात खेचून आणणाऱ्या मालिका म्हणजे, भारत- पाकिस्तान यांच्यात होणारी मालिका, अॅशेस मालिका आणि तिसरी म्हणजे बॉर्डर- गावसकर ट्रॉफी.
क्रिकेट अॅक्शन, रोमांचक सामने, दोन्ही संघातील खेळाडूंमध्ये होणारी बाचाबाची या मालिकेचा रोमांच आणखी वाढवते. दोन्ही संघांचं एकच लक्ष असतं, ते म्हणजे मालिका विजय.
गेल्या दोन मालिकांमध्ये भारतीय संघाने ऑस्ट्रेलियाला ऑस्ट्रेलियात जाऊन पराभूत केलंय. त्यामुळे यावेळी भारतीय संघ आगामी कसोटी मालिका जिंकून मालिका विजयाची हॅट्रिक करण्याच्या प्रयत्नात असणार आहे.
बॉर्डर- गावसकर ट्रॉफी हे १९९६ मध्ये झालेल्या मालिकेतून पडलं. तेव्हापासून ते आतापर्यंत या मालिकेत एकापेक्षा एक रोमांचक सामने पाहायला मिळाले आहेत. या दोन्ही संघांमध्ये आतापर्यंत ५६ कसोटी सामने खेळले गेले आहेत. यादरम्यान भारतीय संघाने २४ सामने जिंकले आहेत. तर २० सामन्यांमध्ये पराभवाचा सामना करावा लागला आहे. यादरम्यान १२ सामने ड्रॉ झाले आहेत.
ही मालिका दोन्ही देशांमध्ये खेळली जाते. त्यामुळ दोन्ही संघांना याचा फायदा होतो. भारताने मायदेशात खेळताना २९ सामने खेळले आहेत. यादरम्यान १८ सामने जिंकले आहेत. तर ऑस्ट्रेलियाचा मायदेशात खेळतानाचा रेकॉर्ड पाहिला, तर ऑस्ट्रेलियाने २७ सामने खेळले आहेत. यादरम्यान केवळ १४ सामने जिंकता आले आहेत.
केवळ सामन्यांच्या बाबतीत नव्हे, तर मालिका जिंकण्याच्या बाबतीतही भारतीय संघ आघाडीवर आहे. आतापर्यंत दोन्ही संघांमध्ये १६ मालिका खेळल्या गेल्या आहेत. यादरम्यान भारतीय संघाने १० मालिका जिंकल्या आहेत. तर ऑस्ट्रेलियाला केवळ ५ मालिका जिंकता आल्या आहेत. त्यामुळे भारतीय संघाचं पारडं जड राहिलं आहे.
सकाळ+चे सदस्य व्हा
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.