भारत आणि दक्षिण आफ्रिका यांच्यातील दुसरा एकदिवसीय रायपूरमध्ये खेळला जात आहे. या सामन्यात टीम इंडियानं प्रथम फलंदाजी करत आफ्रिकेसमोर ३६० धावांचे आव्हान ठेवले. या आव्हानाचा पाठलाग करताना आफ्रिकेनं २६ धावांवर पहिली विकेट गमावली. पहिली विकेट पडल्यानंतर विराट कोहलीनं केलेलं सेलिब्रेशन पाहून अनेकांना हसू आलं. त्याचा व्हिडिओ सोशल मीडियावर व्हायरल होतोय.

भारत आणि दक्षिण आफ्रिका यांच्यातील दुसरा एकदिवसीय सामना रायपूरमध्ये खेळला जातोय. येथील शहीद वीर नारायण सिंह आंतरराष्ट्रीय स्टेडियमवर हा सामना होत आहे. दक्षिण आफ्रिकेने नाणेफेक जिंकून प्रथम गोलंदाजी करण्याचा निर्णय घेतला. मात्र पहिल्या सामन्याप्रमाणे याही सामन्यात आफ्रिकेच्या कर्णधाराचा निर्णय चुकला. भारताने प्रथम फलंदाजी करताना दक्षिण आफ्रिकेसमोर ३६० धावांचे आव्हान ठेवले आहे. या आव्हानाचा पाठलाग करताना २६ धावांवर आफ्रिकेला पहिला धक्का मिळाला.

अर्शदीपनं दक्षिण आफ्रिकेला धक्का दिला. अर्शदीप सिंग डावातील ४ षटक टाकत होता. तर त्याचे वैयक्तिक २ षटक टाकत होता. दक्षिण आफ्रिकेकडून एडेन मार्कराम आणि क्विंटन डी कॉक यांनी डावाची सुरुवात केली. धमाकेदार सुरुवात केल्यानंतर अर्शदीपनं पहिला धक्का क्विंटन डी कॉक (८) च्या रूपात दिला. अर्शदीप सिंगच्या गोलंदाजीवर वॉशिंग्टन सुंदरने उत्कृष्ट झेल घेतला. वॉशिंग्टनं झेल घेतल्यानंतर विराट कोहलीची रिअॅक्शन जबरदस्त व्हायरल होत आहे.

क्विंटन डी कॉक हा आक्रमक फंलदाजी करणारा खेळाडू आहे. दक्षिण आफ्रिकेच्या संघात क्विंटन डी कॉक यष्टीरक्षक आहे. पण त्याची फलंदाजी अफलातून आहे. त्याची विकेट भारतासाठी खूप महत्त्वाची होती. हीच महत्त्वाची विकेट भारताचा वेगवान खेळाडू अर्शदीप सिंगनं घेतली. अर्शदीपनं टाकलेल्या चेंडूवर मोठा फटका मारण्याच्या प्रयत्नात क्विंटन डी कॉक वॉशिंग्टन सुंदरच्या हाती झेलबाद झाला.

त्यावेळी सर्व खेळाडू एकमेकांना टाळ्या देत सेलिब्रेशन करत होते. पण विराट कोहली नागीण डान्स करत होता. त्याने डान्स करत आनंद व्यक्त केला. त्याचा हा व्हिडिओ सोशल मीडियावर चांगलाच व्हायरल होतोय.