भारत आणि न्यूझीलंड या दोन्ही संघांमध्ये सुरु असलेल्या सामन्यात भारतीय संघाने पहिल्या डावात २८ धावांनी मोठी आघाडी घेतली आहे. या सामन्यात प्रथम फलंदाजी करताना, न्यूझीलंडने २३५ धावा केल्या होत्या.

तर या धावांचा पाठलाग करण्यासाठी आलेल्या भारतीय संघाने २६३ धावा केल्या. दरम्यान दुसऱ्या डावात फलंदाजीसाठी आलेल्या न्यूझीलंडला आकाश दीपने पहिल्याच षटकात मोठा धक्का दिला.

लेथमला दाखवलं आस्मान

न्यूझीलंडकडून दुसऱ्या डावात फलंदाजी करताना, डेवोन कॉनव्हे आणि टॉम लेथमची जोडी मैदानावर आली. भारतीय संघाकडून डावाची सुरुवात करण्यासाठी आकाश दीप गोलंदाजीला आला.

रोहितने सुरुवातीपासूनच एका बाजूने वॉशिंग्टन सुंदर तर दुसऱ्या बाजूने आकाश दीपला गोलंदाजीला लावलं. मात्र पहिल्याच षटकात आकाश दीपने न्यूझीलंडला पहिला मोठा धक्का दिला. या षटकातील चौथ्या चेंडूवर त्याने टॉम लेथमला पायचित केलं होतं. मात्र कॉनव्हेने डीआरएस घेतला. डीआरएसमध्ये तो नॉट आऊट असल्याचं दिसून आलं.

पाचव्याच चेंडूवर त्याने कॉनव्हेची दांडी गुल केली. त्याने राऊंड द विकेटने टाकलेला चेंडू टप्पा पडून आत आला आणि टॉम लेथमची दांडी गुल करुन गेला. लेथम १ धाव करत माघारी परतला. यासह न्यूझीलंडला पहिला धक्का बसला.

या सामन्याबद्दल बोलायचं झालं, तर न्यूझीलंडने पहिल्या डावात फलंदाजी करताना २३५ धावा केल्या होत्या. या धावांचा पाठलाग करण्यासाठी आलेल्या भारतीय संघाला २६५ धावांपर्यंत मजल मारता आली. भारतीय संघाकडून फलंदाजी करताना,शुभमन गिलने सर्वाधिक ९० धावांची खेळी केली. तर रिषभ पंत ६० धावा करत माघारी परतला. तर वॉशिंग्टन सुंदरने ३८ आणि यशस्वी जयस्वालने ३० धावांची खेळी केली.