IND vs NZ 1st ODI: पहिल्या एकदिवसीय सामन्यात न्यूझीलंडने टीम इंडियाचा सात गडी राखून पराभव केला. अटीतटीच्या सामन्यात टीम इंडियाच पराभव झाला आहे. तीन एकदिवसीय सामन्यांच्या मालिकेतील न्यूझीलंडने 1-0 अशी आघाडी घेतली आहे.

नाणेफेक हरल्यानंतर प्रथम फलंदाजी करताना भारताने न्यूझीलंडसमोर 307 धावांचे लक्ष्य ठेवले होते. प्रत्युत्तरात केन विल्यमसन आणि टॉम लॅथम यांच्या 221 धावांच्या भागीदारीमुळे किवी संघाने सात गडी राखून लक्ष्य गाठले. (Sports News)

भारताच्या 307 धावांचा पाठलाग करताना, न्यूझीलंडची सुरुवात खराब झाली. किवी संघाने सुरुवातीच्या 20 ओव्हरमध्ये आपल्या तीन विकेट गमावल्या होत्या. मात्र त्यानंतर विल्यमसन आणि लाथमची नाबाद भागिदारी निर्णायक ठरली.

न्यूझीलंडकडून टॉम लॅथमने (145) सर्वाधिक धावा केल्या आणि तो शेवटपर्यंत नाबाद राहिला. तर विल्यमसननेही 94 धावांची नाबाद खेळी केली. फिन ऍलनच्या (22), कॉनवे (24) डॅरिल मिशेल (11) धावा केल्या. भारताकडून उमरान मलिकने दोन आणि शार्दुल ठाकूरला एक विकेट मिळाली.

प्रथम फलंदाजी करताना भारताकडून श्रेयस अय्यर, शिखर धवन आणि शुभमन गिलच्या यांनी अर्धशतक साजरं केलं. याच जोरावर सात गडी गमावून टीम इंडियाने 306 धावा केल्या. शिखर धवनने 72, शुभमन गिलने 50, तर श्रेयस अय्यरने सर्वाधिक 80 धावा केल्या. न्यूझीलंडकडून टीम साऊदी आणि लॉकी फर्ग्युसनने प्रत्येकी तीन विकेट घेतल्या.