Rajiv Shukla On World Cup 2023 Time table:

भारतात यावर्षी वनडे वर्ल्डकप स्पर्धेचा थरार रंगणार आहे. काही दिवसांपूर्वीच या स्पर्धेच्या वेळापत्रकात बदल करण्यात आला आहे. येत्या ५ ऑक्टोबरपासून या स्पर्धेला प्रारंभ होणार आहे.

ही स्पर्धा सुरू होण्यापूर्वी हैदराबाद क्रिकेट असोसियशनने सुरक्षेच्या कारणास्तव वेळापत्रकातील सामन्यांमध्ये बदल करण्याची मागणी केली होती.

हैदराबादच्या राजीव गांधी आंतरराष्ट्रीय स्टेडियममध्ये ९ आणि १० ऑक्टोबर रोजी सलग २ सामन्यांचे आयोजन केले जाणार आहे. ही मागणी बीसीसीआयचे उपाध्यक्ष राजीव शुक्ला यांनी फेटाळून लावली आहे.

बीसीसीआयचे उपाध्यक्ष राजीव शुक्ला स्पष्ट केलं आहे की, जूनमध्ये जाहिर करण्यात आलेल्या वेळापत्रकातील ९ सामन्यांमध्ये बदल करण्यात आला आहे. ज्यात भारत- पाकिस्तान सामन्याचा देखील समावेश आहे. हैदराबाद क्रिकेट असोशियनने म्हटले आहे की, सुरक्षेच्या दृष्टीने दोन्ही सामन्यांमध्ये कमीत कमा एक दिवसाचा तरी गॅप हवा.

राजीव शुक्ला यांनी म्हटले की, 'आगामी वर्ल्डकपसाठी हैदराबादच्या मैदानाची जबाबदारी माझ्याकडे आहे. काही अडचणी असतील तर त्या सोडवण्याचा मी नक्कीच विचार करेन. वर्ल्डकपचं वेळापत्रक बदलनं मुळीच सोपं नाही. तसं होण्याची शक्यता कमी आहे. वेळापत्रक बदलनं केवळ बीसीसीआयच्या हातात नाही. यात आयसीसीचा देखील समावेश असतो. (Latest sports updates)

आगमी वर्ल्डकप स्पर्धेसाठी जून महिन्यात वेळापत्रक जाहिर करण्यात आले होते. त्यानंतर या महिन्याच्या सुरूवातीलाच बीसीसीआय आणि आयसीसीने या स्पर्धेतील ९ सामन्यांचे वेळापत्रक बदलले होते. ज्यात भारत- पाकिस्तान सामन्याचा देखील समावेश होता. यापूर्वी हा सामना १५ ऑक्टोबर रोजी खेळवला जाणार होता. आता हो सामना १४ ऑक्टोबर रोजी खेळवला जाणार आहे.

या स्पर्धेला ५ ऑक्टोबरपासून सुरूवात होणार आहे. स्पर्धेतील पहिला सामना गतविजेत्या इंग्लंड आणि उपविजेत्या न्यूझीलंड या दोन्ही संघांमध्ये रंगणार आहे. हा सामना अहमदाबादच्या नरेंद्र मोदी स्टेडियमवर रंगणार आहे. तर स्पर्धेतील अंतिम सामना १९ नोव्हेंबर रोजी रंगणार आहे. हा सामना देखील नरेंद्र मोदी स्टेडियमवर रंगणार आहे.