SRH VS MI : सनरायजर्स हैदराबाद विरुद्ध मुंबई इंडियन्स हा सामना आज एकाना स्टेडिमयवर रंगला आहे. मुंबईचा कर्णधार हार्दिक पंड्याने टॉस जिंकला आणि प्रथम गोलंदाजी करण्याचा निर्णय घेतला. त्यानंतर हैदराबादचे खेळाडू फलंदाजी करण्यासाठी मैदानात उतरले. पण हैदराबादची फलंदाजी सुरुवातीलाच ढेपाळली. नवव्या ओव्हरपर्यंत हैदराबादची धावसंख्या ३५/५ इतकी होती.

५ विकेट्स पडल्यानंतर हेनरिक क्लासेनने एम्पॅक्ट प्लेयर अभिनव मनोहरच्या साथीने मोर्चा सांभाळला. दहाव्या ओव्हरमध्ये विग्नेश पुथूर गोलंदाजीसाठी आला तेव्हा त्याच्या ओव्हरमध्ये क्लासेनने ६,४,०,४,०, १ अशा प्रकारे १५ धावा केल्या. त्यानंतर कॅप्टन हार्दिक पंड्याच्या ओव्हरमध्ये ४, ०, ४, २, ४, १ अशा प्रकारे हेनरिक क्लासेनने ३ चौकार मारले. हातून सुटलेला सामन्यात क्लासेनमुळे हैदराबादने कमबॅक केले.

हैदराबादचे प्रमुख ४ फलंदाज आज पुन्हा फ्लॉप झाले. ट्रेव्हिस हेड शून्यावर बाद झाला. अभिषेक शर्माने ८ धावा केल्या. गोंधळात डीआरएस न घेतल्याने इशान किशनला १ धाव करुन माघारी परतावे लागले. नितीश कुमार रेड्डी २ धावांवर बाद झाला. संघर्ष करताना १२ धावा करताना अनिकेत वर्मा कॅचआउट झाला. दीपक चहरने इशान आणि नितीशला, ट्रेंट बोल्टने हेड आणि अभिषेकला; तर हार्दिक पंड्याने अनिकेत वर्माला बाद केले.

मुंबई इंडियन्सची प्लेईंग ११ -

रायन रिकल्टन, विल जॅक्स, सूर्यकुमार यादव, तिलक वर्मा, हार्दिक पंड्या (कर्णधार), नमन धीर, मिचेल सँटनर, दीपक चहर, ट्रेंट बोल्ड, जसप्रीत बुमराह, विग्नेश पुथूर.

सनरायजर्स हैदराबादची प्लेईंग ११ -

अभिषेक शर्मा, ट्रेव्हिस हेड, इशान किशन, नितीश कुमार रेड्डी, हेनरिक क्लासेन, अनिकेत वर्मा, पॅट कमिन्स (कर्णधार), जयदेव उनदकट, हर्षल पटेल, ईशान मलिंगा, झीशान अन्सारी.