मावळ : ताशकंद येथे सुरु असलेल्या ज्युनिअर एशियन वेटलिफटिंग (weightlifting) अजिंक्यपद (junior asian weightlifting championship 2022) स्पर्धेत आज (साेमवार) 45 किलो वजनी गटात भारताच्या (india) हर्षदा गरुड (Harshada Garud) हिने स्नॅच प्रकारात 69 किलो व क्लीन आणि जर्क प्रकारात 88 किलो असे एकूण 157 किलोग्रॅम वजन उचलून सुवर्णपदक (gold medal) मिळविले. (Harshada Garud News)

हर्षदा ही वडगाव मावळ (maval) येथील दुबेज गुरुकुलची खेळाडू आहे. मे महिन्यात ग्रिस येथे झालेल्या जागतिक वेटलिफ्टींग स्पर्धेत तिने सुवर्णपदक पटकाविले हाेते. हे पदक मिळविणारी भारतातील पहिली महिला होण्याचा मान तिने मिळविला होता.

आज ताशकंद येथे सुरू झालेल्या एशियन स्पर्धेत तिने सुवर्णपदक मिळवून आपल्या कामगिरीत सातत्य ठेवण्यात यश मिळविले. सध्या ती पतियाळा येथील इंडिया कॅम्पमधे सराव करत आहे. आगामी काळात हर्षदा भारतीय वेटलिफ्टींगमधे इतिहास घडवेल असा विश्वास तिचे मार्गदर्शनक बिहरीलाल दुबे यांनी व्यक्त केला आहे.

हर्षदाचे इंद्रायणी महाविद्यालयाचे अध्यक्ष रामदास काकडे, कार्यवाह चंद्रकात शेटे, पुणे जिल्हा वेटलिफ्टींग संघटनेचे अध्यक्ष गणेश काकडे, नगराध्यक्ष मयूर ढोरे यांनी अभिनंदन केले. मावळ तालुक्यातील नागरिक तिचे समाज माध्यमातून कौतुक करीत आहेत.

Edited By : Siddharth Latkar