मयुर सावंत>>

तो झुंझार खेळला,हार्ड हिट्स मारले.टीम इंडियाच्या बॉलर्सला अक्षरश: गुंडाळलं होतं. भारतीयांचा श्वास या क्लासेननं रोखून ठेवला. एका क्षणासाठी भारतानं सामना गमावला होता.. पण हिटमॅनच्या एका निर्णयानं हा सामना, साऊथ आफ्रिकेच्या हातातून खेचून आणला आणि झुंझार खेळी करणाऱ्या क्लासेनची बॅट रोहितनं थांबवली.

क्लासेन हा साऊथ आफ्रिकेचा दमदार खेळाडू म्हणून ओळखला जातो. सनरायझर्स हैदराबादकडून खेळताना त्याने धावांचा पाऊस पाडला होता. या स्पर्धेत त्याने अविस्मरणीय खेळ्या केल्या. तिच स्ट्रॅटेजी त्यानं इथं वापरली आणि झुंझार खेळीनं टीम इंडियावर अटॅक करण्यास सुरूवात केली. अगदी बॅटिंगमध्ये भरभरून कौतुक करणाऱ्या अक्षर पटेललाही त्यानं गार केलं.

अक्षर हा फिटकीपटू असला तरी,क्लासेनने करारा जवाब देत टीमला यशाच्या शिखरावर पोहोचवलं. अक्षर पटेलच्या १५ व्या ओव्हरमध्ये त्यानं सिक्स आणि चौके मारत एकूण २४ धावा केल्या. आता भारताला सगळं अवघड होऊन बसलं होतं. पण क्लासेनच्या या खेळीला रोहित शर्मानं चांगलंच पारखलं आणि जसप्रीत बुमराहकडे पुढची जबाबदारी दिली.

जसप्रीतनं वेगवान बॉलिंग करत त्याला हादरवून सोडलं. पण त्याला विकेट घेता आला नाही. अखेर रोहितने त्याचा अत्यंत जवळचा आणि ऑलराऊंडर म्हणून ओळखल्या जाणाऱ्या हुकमी एक्क्याला बाहेर काढलं. हार्दिकला १७ वी ओव्हर दिली. यावेळी हार्दिकनं आपली स्ट्रॅटेजी वापरली.

पहिल्याच बॉलमध्ये क्लासेनची विकेट काढली आणि त्याला पॅव्हेलियनचा रस्ता दाखवला. क्लासेनने २७ बॉलमध्ये ५२ धावा काढल्या आणि हार्ड हिटच्या नादात तो विकेट पाडून बसला. त्यामुळे रोहित शर्माला त्याला थांबवण्यात यश मिळालं आणि तो क्लासेनपेक्षा वरचढ ठरला..