येत्या काही दिवसात टी -२० वर्ल्डकप २०२४ स्पर्धेला प्रारंभ होणार आहे. ही स्पर्धा अमेरिका आणि वेस्टइंडीजमध्ये रंगणार आहे. या स्पर्धेपूर्वी अनेक दिग्गज खेळाडूंनी कोणते संघ टॉप ४ मध्ये जाणार आणि कोणते संघ फायनल गाठणार याबाबत भविष्यवाणी केली आहे. नुकताच भारतीय संघाचा माजी खेळाडू हरभजन सिंग या संघाने देखील कोणता संघ टी -२० वर्ल्डकप स्पर्धेच्या ट्रॉफीवर नाव कोरणार याबाबत भविष्यवाणी केली आहे.

हरभजन सिंगच्या मते, रोहित शर्मा एमएस धोनीने जे पहिल्याच हंगामात केलं होतं त्याची पुनरावृत्ती करू शकतो. एमएस धोनीच्या नेतृत्वाखाली खेळणाऱ्या भारतीय संघाने २००७ मध्ये झालेल्या टी -२० वर्ल्डकप स्पर्धेत जेतेपदाला गवसणी घातली होती. भारतीय संघ ही स्पर्धा जिंकणारा पहिलाच संघ ठरला होता. त्यावेळी भारतीय संघाने फायनलमध्ये पाकिस्तानला धूळ चारली होती.

काय म्हणाला हरभजन सिंग?

हरभजन सिंग म्हणाला की, ' एकटा रोहित शर्मा भारतीय संघाला जेतेपद मिळवून देऊ शकत नाही. हे सर्वांना मिळून करावं लागेल. सर्व एकजुटीने खेळले तर तुम्ही काहीही मिळवू शकता. भारतीय खेळाडू गेल्या काही दिवसांपासून आयपीएल स्पर्धेत खेळत आहेत. याचा थकवा आणि थकव्याचा परिणाम त्यांच्या कामगिरीवर होऊ शकतो.'

तसेच खेळपट्टीबाबत बोलताना तो म्हणाला की, ' खेळपट्टी कशी असेल हे कोणालाच माहित नाही. सराव सामन्यात कॉम्बिनेशन कसं असेल यावरून अंदाज येईल. तसेच एस श्रीसंथ म्हणाला की, २ फिरकी गोलंदाज आपली ताकद आहे. २ वेगवान गोलंदाज आणि हार्दिक पंड्या आमचा तिसरा वेगवान गोलंदाज आहे. भारतीय संघाची फलंदाजी देखील मजबूत आहे.

टी-२० वर्ल्डकप २०२४ स्पर्धेसाठी असा आहे भारतीय संघ:

रोहित शर्मा (कर्णधार), विराट कोहली, यशस्वी जयस्वाल, सूर्यकुमार यादव, रिषभ पंत (विकेटकीपर), संजू सॅमसन (विकेटकीपर), हार्दिक पांड्या (उपकर्णधार), शिवम दुबे, कुलदीप यादव, युजवेंद्र चहल, अर्शदीप सिंग, जसप्रीत बुमराह, मोहम्मद सिराज, रवींद्र जडेजा, अक्षर पटेल

राखीव खेळाडू..

शुभमन गिल, रिंकू सि्ंग, खलील अहमद, आवेश खान