भारताचा मास्टर ब्लास्टर सचिन तेंडुलकर राजस्थानच्या १२ वर्षीय मुलीच्या गोलंदाजीचा फॅन झालाय. राजस्थानच्या प्रतापगड जिल्ह्यात राहणाऱ्या सुशीला मीणाचा व्हिडिओ सध्या सोशल मीडियावर तुफान व्हायरल होतोय.

जहीर खानसारखी गोलंदाजी अॅक्शन असलेल्या या तरुणीच्या गोलंदाजीचा सचिन तेंडुलकरही फॅन झाला आहे. त्याने हा व्हिडिओ शेअर केलाय आणि तू हिची गोलंदाजी पाहिली का? असा प्रश्व जहीर खानला विचारला आहे. या युवा गोलंदाजाची गोलंदाजी अॅक्शन ही हुबेहूब जहीर खान सारखीच आहे.

एखादा युवा खेळाडू चांगली गोलंदाजी करत असेल किंवा फलंदाजी करत असेल त्याचा प्लॅटफॉर्म देण्याचं काम हा सचिन तेंडुलकर करत असतो. यापूर्वीही सचिनने आपल्या सोशल मीडिया अकाऊंटवरुन युवा खेळाडूंचा व्हिडिओ शेअर करत त्यांचं कौतुक केलं आहे. आता त्याने एका लहान मुलीचा व्हिडिओ शेअर केला आहे.

पायात शूज किंवा चप्पल नाही,पण एकदम क्लिन रनअप आणि हुबेहूब जहीर खानसारखी गोलंदाजी पाहून सचिनही तिचा जबरा फॅन झाला आहे. सुशीलाबद्दल सांगायचं झालं, तर ती अत्यंत गरीब कुटुंबातून आहे. तिचे आई-वडील हातमजूरी करतात. तिच्या आईचं नाव शांती बाई मीणा असं आहे. तर तिच्या वडिलांचं नाव, रतनलाल मीणा असं आहे.

सचिन सोशल मीडियावर प्रचंड सक्रिय असतो. त्याने आपल्या सोशल मीडिया अकाऊंटवरुन या युवा गोलंदाजाचा व्हिडिओ शेअर केला आहे. त्याने हा व्हिडिओ शेअर करत जहीर खानला टॅग केलं आहे. यासह त्याने या व्हिडिओला हटके कॅप्शनही दिलं आहे. सुशीलाची गोलंदाजी एकच नंबर आहे .

तिला योग्य प्रशिक्षण मिळालं, तर ती आणखी पुढे जाऊ शकते. सुशीला शालेय स्तरावरील स्पर्धांमध्ये सहभाग घेत असते. तिचा हा व्हिडिओ एका युझरने आपल्या सोशल मीडिया अकाऊंटवरुन शेअर केला होता.

या व्हिडिओवर नेटकरी कमेंट्स करताना दिसून येत आहे. ही युवा खेळाडू एक दिवशी नक्की भारतीय संघासाठी खेळणार, अशा कमेंट्स नेटकरी करताना दिसून येत आहेत.