भारतीय क्रिकेटमधून एक मोठी बातमी समोर आली आहे. भारतीय संघाच्या गोलंदाजी प्रशिक्षकपदी मॉर्ने मॉर्कलची नियुक्ती करण्यात आली आहे. मॉर्ने मॉर्कल हा दक्षिण आफ्रिकेचा माजी गोलंदाज आहे. दक्षिण आफ्रिकेसाठी त्याचा रेकॉर्ड शानदार राहिला आहे. आता तो भारतीय गोलंदाजांना गोलंदाजीचे धडे देताना दिसून येणार आहे.

भारतीय गोलंदाजांना देणार गोलंदाजीचे धडे

काही दिवसांपूर्वी भारताचा माजी फलंदाज गौतम गंभीरची मुख्य प्रशिक्षकपदी निवड करण्यात आली आहे. ज्यावेळी गौतम गंभीरच्या नावाची चर्चा होत होती. त्यावेळी गौतम गंभीरने सहाय्यक प्रशिक्षक म्हणून अभिषेक नायर आणि गोलंदाजी प्रशिक्षक म्हणून मॉर्ने मॉर्कलच्या नावाची चर्चा सुरू होती.

गौतम गंभीरची नियुक्ती झाल्यानंतर, सहाय्यक प्रशिक्षक म्हणून अभिषेक नायरची नेमणूक करण्यात आली होती. आता गोलंदाजी प्रशिक्षक म्हणून मॉर्ने मॉर्कलच्या नावावर शिक्कामोर्तब करण्यात आले आहे.

क्रिकबजने दिलेल्या वृत्तानुसार, मॉर्ने मॉर्कल भारतीय संघाला गोलंदाजीचे धडे देणार आहे. मॉर्ने मॉर्कल १९ सप्टेंबरपासून सुरू होणाऱ्या कसोटी मालिकेतून भारतीय संघाचा गोलंदाजी प्रशिक्षक म्हणून कारभार सांभाळणार आहे. तो श्रीलंका दौऱ्यावर भारतीय संघासोबत जाणार होता. मात्र टी -२० मालिकेत व्यस्त असल्यामुळे त्याला प्रशिक्षकपदाचा कारभार स्वीकारता आला नव्हता. त्यामुळे बीसीसीआयने साईराज बहुतुले यांना स्थायी प्रशिक्षक म्हणून पाठवण्यात आलं होतं.