Duleep Trophy 2024 Siraj Jadeja: दुलीप ट्रॉफी 2024 स्पर्धा ५ सप्टेंबरपासून सुरुवात होत आहे. त्याआधीच मोठी बातमी समोर आली आहे. अष्टपैलू रवींद्र जाडेजा, मोहम्मद सिराज आणि उमरान मलिक पहिल्या टप्प्यातून बाहेर गेले आहेत. बीसीसीआयकडून याबाबतची माहिती देण्यात आली आहे. रवींद्र जाडेजा ब संघाकडून खेळणार होता, त्याला रिलीज करण्यात आलेय. सिराज आणि उमरान मलिक आजारी असल्यामुळे त्यांनाही रिलिज करण्यात आले आहे. नवदीप सैनी आणि गौरव यादव यांना संधी देण्यात आली आहे.

मोहम्मद सिराज याला ब संघात स्थान मिळाले होते. पण आजारी असल्यामुळे तो आता खेळू शकणार नाही, त्याला रिलीज करण्यात आले आहे. सिराजच्या जागी नवदीप सैनी याला स्थान मिळाले आहे. नवदीप सैनी अनुभवी गोलंदाज आहे, त्याना आतापर्यंत शानदार कामगिरी केली आहे. नवदीप टीम अभिमन्यु ईश्वरनच्या नेतृत्वातील ब संघात खेळताना दिसणार आहे. नवदीप सैनीने भारतासाठी आठ वनडे, दोन कसोटी आणि ११ टी२० सामने खेळले आहेत. लिस्ट ए क्रिकेटमध्ये त्याने १०१ विकेट घेतल्या आहेत. तर फर्स्टक्लासमध्ये १८४ विकेट घेतल्या आहेत.

उमरानच्या जागी गौरवला संधी

उमरान मलिक दुलीप ट्रॉफीमध्ये क संघात खेळणार होता, या संघाची धुरा ऋतुराज गायकवाड याच्या खांद्यावर आहे. उमरान मलिक आजारी आहे, त्यामुळे तो स्पर्धेबाहेर गेला आहे. उमरानच्या जागी गौरव यादव याला संधी मिळाली आहे. गौरवने 37 फर्स्ट क्लास सामन्यात 141 विकेट घेतल्या आहेत. लिस्ट एच्या 23 सामन्यात ४८ विकेट घेतल्या आहेत.

दुलीप ट्रॉफी 2024 अपडेटेड टीम -

भारत ब : अभिमन्यु ईश्वरन (कर्णधार), यशस्वी जयसवाल, सरफराज खान, ऋषभ पंत (विकेटकीपर), मुशीर खान, नितीश कुमार रेड्डी*, वाशिंगटन सुंदर, नवदीप सैनी, यश दयाल, मुकेश कुमार, राहुल चाहर, आर साई किशोर, मोहित अवस्थी , एन जगदीसन.

भारत क : ऋतुराज गायकवाड़ (कर्णधार), साई सुदर्शन, रजत पाटीदार, अभिषेक पोरेल (विकेटकीपर), सूर्यकुमार यादव, बी इंद्रजीत, रितिक शौकीन, मानव सुथार, गौरव यादव, विशाक विजयकुमार, अंशुल खंबोज, हिमांशु चौहान, मयंक मारकंडे, आर्यन जुयाल, संदीप वारियर.