Govenrment Guidelines For Fantasy Games: सध्या भारतात ऑनलाईन गेमिंगमध्ये जोरदार सट्टेबाजी सुरु आहे. आता ऑनलाईन गेमिंगमधील बेकायदेशीर सट्टेबाजी रोखण्यासाठी केंद्र सरकारने मार्गदर्शक सूचना जारी केली आहे.

माहिती आणि प्रसारण मंत्रालयाने सर्व माध्यमांना बेटिंग संबंधित जाहिराती न दाखवण्याचा सल्ला देण्यात आला आहे. केंद्रीय आयटी आणि दळणवळण राज्यमंत्री राजीव चंद्रशेखर यांनी याबाबत अधिक माहिती दिली.

राजीव चंद्रशेखर म्हणाले की, 'आजपासून ऑनलाईन सट्टेबाजी बंद करण्यात आली आहे. ऑनलाइन खेळात बेटिंग करणे आता बेकायदेशीर मानले जाईल. ते म्हणाले की, जे ऑनलाइन गेम जुगार किंवा सट्टेबाजीला प्रोत्साहन देत आहेत, किंवा त्यावरून वापरकर्त्यांचे नुकसान होणार असेल आणि ज्यामुळे व्यसनाधीनता वाढत असेल, यापैकी एकही घटक आढळून आला तर ते ऍप भारतात उपलब्ध होणार नाही.' (Latest sports updates)

तसेच त्यांनी पुढे म्हटले की,' नियमात अशी तरतूद करण्यात आली आहे की गेममध्ये ऑनलाइन सट्टेबाजी किंवा सट्टेबाजीची कोणताही घटक उपलब्ध असेल, तर तो गेम इंडियामध्ये उपलब्ध नसेल. त्याला परवानगी दिली जाणार नाही.' याबाबत आम्ही संबंधितांशी चर्चा करूनच आयटी नियमांमध्ये सुधारणा केल्याचं चंद्रशेखर यांनी सांगितलं.

जर ऑनलाईन सट्टेबाजी बंद झाली तर ड्रीम इलेव्हेन, माय सर्कल इलेव्हेन, जंगली रम्मी सारखे बेटिंग ऍप्स देखील बंद होतील. याबाबत लवकरच निर्णय घेतला जाणार आहे.