south africa cricket team google
Sports

IND vs SA, Test Series: दक्षिण आफ्रिकेला मोठा धक्का ! दुसऱ्या सामन्यातून मॅचविनर खेळाडू बाहेर

Temba Bavuma Ruled Out: पहिल्या कसोटी सामन्यात दक्षिण आफ्रिकेने दमदार खेळ करत भारतीय संघावर विजय मिळवला आहे. मात्र दुसऱ्या कसोटी सामन्यापूर्वी दक्षिण आफ्रिकेला मोठा धक्का बसला आहे.

Ankush Dhavre

Temba Bavuma Ruled Out From IND vs SA 2nd Test:

भारत आणि दक्षिण आफ्रिका या दोन्ही संघांमध्ये २ कसोटी सामन्यांची मालिका सुरु आहे. या मालिकेतील पहिल्या कसोटी सामन्यात भारतीय संघाला १ डाव आणि ३२ धावांनी पराभवाचा सामना करावा लागला आहे.

या विजयासह दक्षिण आफ्रिकेने मालिकेत १-० ची आघाडी घेतली आहे. या विजयानंतरही दक्षिण आफ्रिकेला मोठा धक्का बसला आहे. दक्षिण आफ्रिकेचा कर्णधार टेम्बा बावूमा दुसऱ्या कसोटी सामन्यातून बाहेर झाला आहे.

दक्षिण आफ्रिकेचा कर्णधार बावूमा हा हॅमस्ट्रिंगचा त्रास जाणवतोय. याच कारणामुळे तो पहिल्या कसोटी सामन्यात खेळताना दिसून आला नव्हता. वर्ल्डकप २०२३ स्पर्धेतही बावूमाला हॅमस्ट्रिंगच्या त्रासामुळे संघाबाहेर राहावं लागलं होतं.

तसेच भारतीय संघाविरुद्ध पार पडलेल्या सेंच्युरियन कसोटीच्या पहिल्याच दिवशी तो क्षेत्ररक्षण करत असताना दुखापतग्रस्त झाला होता. त्यानंतर तो फलंदाजी आणि क्षेत्ररक्षण करण्यासाठी मैदानावर आलाच नाही. बावूमा नेहमीच आपल्या फिटनेसमुळे चर्चेत असतो. यापूर्वी अनेकदा त्याला दुखापतीमुळे मैदान सोडावं लागलं आहे. (Latest sports update)

बावूमाच्या जागी कोण खेळणार?

टेम्बा बावूमा हा दक्षिण आफ्रिकेचा कर्णधार आहे.त्यामुळे बावूमानंतर ही जबाबदारी डीन एल्गर पार पाडताना दिसून येऊ शकतो.दुसऱ्या कसोटीतून बाहेर होताच बावूमाच्या जागी २८ वर्षीय जुबुर हमजाला संघात स्थान देण्यात आलं आहे.

त्याच्या कामगिरीबद्दल बोलायचं झालं तर त्याने कसोटी कारकिर्दीतील ६ सामन्यांमध्ये २१२ धावा केल्या आहेत. यासह त्याला एक वनडे सामना खेळण्याची संधी मिळाली आहे.

तर प्रथम श्रेणी क्रिकेटमधील कामगिरीबद्दल बोलायचं झालं तर त्याने ८९ सामन्यांमध्ये ६२७४ धावा केल्या आहेत. यादरम्यान त्याने १७ शतक आणि ३० अर्धशतकं झळकावली आहेत. तर लिस्ट ए क्रिकेटमधील ६८ सामन्यांमध्ये त्याने २०१७ धावा केल्या आहेत.

सकाळ+चे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.

मुख्यमंत्री देवेंद्र फडणवीसांचं भाषण सुरू, मंचावर भाजप नेत्याच्या डुलक्या; व्हिडिओ व्हायरल

Narali Purnima 2025: यंदा नारळी पौर्णिमा कधी आहे?

Electric Shock : मोटार सुरु करताना विजेच्या धक्क्याने महिलेचा मृत्यू; माहेरच्यांचा मात्र घातपाताचा आरोप

Maharashtra Live News Update : रत्नागिरी - मुंबई गोवा महामार्गावरील वाहतूक 15 तासानंतर सुरू

Oli Bhel Recipe: चौपाटीवर मिळणारी चटपटीत ओली भेळ, वाचा सीक्रेट रेसिपी

SCROLL FOR NEXT