Ben Stokes 100th Test News:

देशासाठी कसोटी क्रिकेट खेळणं हे प्रत्येक क्रिकेटपटूचं स्वप्न असतं. कसोटी संघात स्थान मिळवल्यानंतर स्थान टिकवून ठेवणं हे मोठं आव्हान असतं. दरम्यान इंग्लंडचा कर्णधार बेन स्टोक्सच्या नावे एका मोठ्या रेकॉर्डची नोंद होणार आहे. भारत आणि इंग्लंड यांच्यात होणारा तिसरा कसोटी सामना हा बेन स्टोक्सच्या कसोटी कारकिर्दीतील १०० वा सामना असणार आहे.

बेन स्टोक्स खेळणार १०० वा कसोटी सामना..

बेन स्टोक्सने इंग्लंड संघासाठी ९९ कसोटी सामने खेळले आहेत. १५ फेब्रुवारी होणारा कसोटी सामना हा त्याच्या कसोटी कारकिर्दीतील १०० वा कसोटी सामना असेल. या ऐतिहासिक सामन्यापूर्वी बोलताना बेन स्टोक्स म्हणाला की, ' १०० कसोटी सामने खेळणं मैलाचा दगड आहे. याहुन मोठं दुसरं काहीच असू शकत नाही. १०० हा एक आकडा आहे. माझ्यासाठी प्रत्येक सामना खेळणं हे तितकंच महत्वाचं असतं. १०० व्या कसोटी सामन्यानंतर पुढे १०१ वा सामना असणार आहे. ९९,१०० किंवा १०१ या आकड्यांनी फारसा फरक पडत नाही.' (Cricket news in marathi)

बेन स्टोक्सबद्दल बोलायचं झालं तर, २०१३ मध्ये त्याने कसोटी क्रिकेटमध्ये पदार्पण केलं होतं. पदार्पणाच्या सामन्यातील पहिल्या सामन्यात त्याला १ तर दुसऱ्या डावात २८ धावा करता आल्या होत्या. पहिल्या कसोटीत फ्लॉप ठरल्यानंतर त्याने दुसऱ्या कसोटीतील पहिल्या डावात १८ आणि दुसऱ्या डावात १२० धावांची शानदार खेळी केली होती.

असा राहिलाय रेकॉर्ड..

बेन स्टोक्सने आतापर्यंत खेळलेल्या ९९ कसोटी सामन्यातील १७९ डावात ५९.३१ च्या सरासरीने ६२५१ धावा केल्या आहेत. यादरम्यान त्याने १३ शतक आणि ३१ अर्धशतकं झळकावली आहेत. फलंदाजीसह गोलंदाजीतही त्याचा दबदबा पाहायला मिळाला आहे. त्याने गोलंदाजी करताना १९७ गडी बाद केले आहेत. तो आपल्या १०० व्या सामन्यात २०० गडी बाद करण्याचा कारनामा करु शकतो.