बिग बॅश लीग स्पर्धेला जोरदार प्रारंभ झाला आहे. या स्पर्धेतील सहावा सामना अॅडलेड स्ट्रायकर्स विरुद्ध मेलबर्न स्टार्स या दोन्ही संघांमध्ये पार पडला. या सामन्यातील पहिल्या डावात फलंदाजी करताना अॅडलेड स्ट्रायकर्स या संघाने २० षटकअखेर ६ गडी बाद १६५ धावा केल्या.

दरम्यान या डावात मेलबर्न स्टार्सचा स्टार क्षेत्ररक्षक बेन डकेटने शानदार झेल घेतला आहे, ज्याचा व्हिडिओ सोशल मीडियावर तुफान व्हायरल होतोय.

बेन डकेटने घेतला भन्नाट झेल

या सामन्यात मेलबर्न स्टार्सने नाणेफेक जिंकून प्रथम गोलंदाजी करण्याचा निर्णय घेतला. प्रथम फलंदाजी करताना मेलबर्न स्टार्सने ६ गडी बाद १६५ धावा केल्या. मेलबर्नकडून फलंदाजी करण्यासाठी तिसऱ्या क्रमांकावर डार्सी शॉर्ट फलंदाजीला आला.

त्यावेळी स्टार्सकडून पीटर सिडल गोलंदाजी करत होता. शॉर्ट तुफान फटकेबाजी करत होता, त्यावेळी १५ व्या षटकात डकेटने त्याचा भन्नाट झेल घेतला.

तर झाले असे की, सिडलने १५ व्या षटकातील चौथा चेंडू फुल लेंथवर टाकला. त्यावेळी डकेटने एक्स्ट्रा कव्हरच्या वरुन फटका मारला. हा रॉकेट चेंडू येताच बेन डकेटने उडी मारुन एका हाताने अविश्वसनिय झेल घेतला. या भन्नाट झेलसह त्याची खेळीही संपुष्टात आली.

अॅडलेडने केल्या १६५ धावा

प्रथम फलंदाजी करण्यासाठी मैदानात आलेल्या अॅडलेड स्ट्रायकर्स संघाला २० षटकअखेर ६ गडी बाद १६५ धावा करता आल्या. या संघाकडून डार्सी शॉर्टने सर्वाधिक ६० धावांची खेळी केली. तर अॅलेक्स रॉसने ३५ धावांची खेळी केली.

सलामीला फलंदाजीसाठी आलेल्या मॅट शॉर्टने ११, जेक वेदराल्डने ११, जेम्स बेझलीने १६ धावांची खेळी केली. तर स्टार्सकडून गोलंदाजी करताना, अॅडल मिल्नेने २, पिटर सिडलने २, ग्लेन मॅक्सवेलने १ आणि डुह वॉरनने १ गडी बाद केला.