Badminton Asia Team Championships 2024 :

भारतीय महिला बॅडमिंटन संघाने शनिवारी प्रथमच बॅडमिंटन आशिया सांघिक स्पर्धेच्या अंतिम फेरीत प्रवेश केला. भारतीय महिला बॅडमिंटन संघाने माजी चॅम्पियन जपानच्या संघाचा उपांत्य फेरीत ३-२ असा पराभव केला. (Latest News)

तृषा जॉली आणि गायत्री गोपीचंद या जागतिक क्रमवारीत २३व्या स्थानी असलेल्या जोडीने पहिला दुहेरी सामना जिंकला. जागतिक क्रमवारीत ५३व्या स्थानी असलेल्या अस्मिता चालिहाने दुसरा एकेरी सामना जिंकला. तर १७ वर्षीय अनमोल खरबने भारताला विजेतेपदाच्या लढतीत नेण्यासाठी निर्णायक एकेरी सामना जिंकला. भारतीय महिला संघ आता रविवारी अंतिम फेरीत थायलंडशी भिडणार आहे. ('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

जपानचा संघ अकाने यामागुची (जागतिक क्रमवारीत चौथ्या स्थानी असलेल्या), युकी फुकुशिमा आणि सायाका हिरोटा (जागतिक क्रमवारीत सातव्यास्थानी असलेल्या) आणि मयू मात्सुमोटो आणि वाकाना नागहारा (जागतिक क्रमांक आठवा) यांच्याशिवाय खेळत होता. हे खेळाडू नसताना सुद्धा जपानच्या संघ मजबूत दिसत होता.

भारतीय संघाला जोरदार टक्कर दिली. दरम्यान दुखापतीमधून सावरत मैदानात परतलेल्या पीव्ही सिंधूला मात्र पराभवाचा सामना करावा लागला आहे. सिंधू एकेरी संघात आहोरीच्या विरोधात पराभूत झाली. तिला १३-२१,२०-२२ असा पराभव स्वीकारावा लागला. तृषा आणि गायत्री यांनी पहिल्या दुहेरीत चमकदार कामगिरी करत भारताला २१-१७, १६-२, २२-२० ने विजय मिळवून दिला.

अस्मिताने माजी विश्वविजेत्या नोजोमी ओकुहारा (२०व्या क्रमांकावर) विरुद्ध आक्रमक खेळ दाखवला. भारतीय खेळाडूने त्याच्या क्रॉस शॉट्स आणि स्मॅशचा शानदार वापर करून भारताला २१-१७, २१-१४ असा विजय मिळवत २-१ अशी आघाडी घेतलीय.