आयपीएल २०२५ स्पर्धेतील तिसरा सामना लखनऊ सुपरजायंट्स आणि दिल्ली कॅपिटल्स या दोन्ही संघांमध्ये सुरु आहे. दोन्ही संघ आपल्या नव्या कर्णधारांसह मैदानात उतरले आहेत. गेल्या हंगामात दिल्लीचं नेतृत्व करणारा रिषभ पंत या हंगामात लखनऊकडून खेळतोय. तर दिल्लीची सुत्र अक्षर पटेलच्या हाती आहे. या सामन्यात दिल्लीने नाणेफेक जिंकून प्रथम गोलंदाजीचा निर्णय घेतला आहे.

मिचेल स्टार्कची धुलाई

दोन्ही संघ या हंगामातील आपला पहिला सामना खेळण्यासाठी मैदानात उतरले आहेत. दिल्ली कॅपिटल्स संघाचं नेतृत्व करत असलेल्या अक्षर पटेलने नाणेफेक जिंकून प्रथम गोलंदाजीचा निर्णय घेतला. लखनऊकडून डावाची सुरुवात करण्यासाठी एडेन मार्करम आणि मिचेल मार्शची जोडी मैदानावर आली.

या जोडीने संघाला आक्रमक सुरुवात करुन दिली. त्यावेळी दिल्लीकडून तिसरे षटक टाकण्यासाठी मिचेल स्टार्क गोलंदाजीला आला. या षटकातील पहिल्याच चेंडूवर एडेन मार्करमने बाहेर निघून कव्हर्सच्या वरुन शानदार षटकार मारला. त्यानंतर याच षटकात मार्शने चौकार, षटकार आणि पुन्हा एकदा चौकार मारला. या षटकात दोन्ही फलंदाजांनी मिचेल स्टार्कची चांगली धुलाई केली.

या सामन्यासाठी अशी आहे दोन्ही संघांची प्लेइंग ११:

लखनऊ सुपर जायंट्स (Playing XI): एडन मार्कराम, मिचेल मार्श, निकोलस पूरन, आयुष बडोनी, ऋषभ पंत (कर्णधार/यष्टीरक्षक), डेविड मिलर, प्रिन्स यादव, दिग्वेश राठी, शहबाज अहमद, शार्दुल ठाकुर, रवी बिश्नोई.

दिल्ली कॅपिटल्स (Playing XI): जेक फ्रेझर-मॅकगर्क, फाफ डु प्लेसिस, अभिषेक पोरेल (यष्टीरक्षक), समीर रिजवी, अक्षर पटेल (कर्णधार), ट्रिस्टन स्टब्स, विप्रज निगम, मिचेल स्टार्क, कुलदीप यादव, मोहित शर्मा, मुकेश कुमार.