जुलै महिन्याच्या शेवटी शुक्र सूर्याच्या सिंह राशीत प्रवेश करणार आहे. या ग्रहाच्या राशीच्या बदलाचा परिणाम बहुतेक राशींवर सकारात्मक असणार आहे. पण तीन राशींसाठी हा काळ अडचणींचा ठरणार आहे. शुक्राच्या अशुभ प्रभावामुळे आर्थिक नुकसान होण्याची शक्यता आहे. या तीन राशींच्या जातकांनी पैशाचे योग्य व्यवस्थापन न केल्यास जीवनात गरिबी येऊ शकते. या तीन राशी कोणत्या आहेत. या राशींचे लोकांच्या जीवनावर कोणते नकारात्मक परिणाम होऊ शकतात? हे जाणून घेऊया.

मेष

सिंह राशीतील शुक्राचे संक्रमण मेष राशीच्या लोकांसाठी प्रतिकूल म्हणजेच अडचणींचं ठरणार आहे. सिंह राशीतील शुक्राचा तुमच्या करिअर, व्यवसाय आणि नोकरीवर नकारात्मक प्रभाव पडू शकतो. पैशाचा ओघ कमी होऊ शकतो. संपत्तीत नुकसान होऊ शकतं. अचानक मोठ्या खर्चामुळे तुमची आर्थिक परिस्थिती अस्थिर होऊ शकते. त्यामुळे राहणीमानावर विपरीत परिणाम होण्याची शक्यता आहे. तर काही जातकांच्या कुटुंबाच्या गरजा पूर्ण करण्यात अडचणी वाढतील. कर्ज घेण्याची परिस्थिती निर्माण होण्याची शक्यता आहे.

कर्क

सिंह राशीतील शुक्राचे संक्रमण कर्क राशीच्या लोकांसाठीही डोक्याला ताप देणारं ठरणार आहे. तुमच्या स्वभावात नकारात्मकता वाढू शकते. उत्पन्नाचे स्रोत थांबू शक्यता आहे. त्यामुळे जीवनात आर्थिक संकट वाढण्याची शक्यता आहे. नोकरदार लोकांना ऑफिसमध्ये सहकाऱ्यांशी वाद होऊ शकतो. पदोन्नती थांबण्याची शक्यता आहे.

विद्यार्थ्यांच्या करिअरमध्ये अडथळे येऊ शकतात. शुक्राच्या अशुभ प्रभावामुळे नातेसंबंध आणि प्रेम जीवनावर खोलवर परिणाम होण्याची शक्यता आहे. वैवाहिक जीवनात समस्या वाढण्याची शक्यता आहे.

धनु

धनु राशीच्या लोकांसाठीही हे संक्रमण अडचणीचं ठरणार आहे. सिंह राशीतील शुक्राचे संक्रमणामुळे अनेक गोष्टी मनाविरोधात होणार आहेत. बिझनेस प्लॅनवर काम सुरू करण्यास कुटुंबातून विरोध होऊ शकतो. तुमची पत्नीही तुमच्या विरोधात असू शकते. पैशाची आवक कमी झाल्यामुळे दैनंदिन जीवनातील समस्या वाढू शकतात. नातेवाईकांशी मतभेद किंवा भांडण होण्याची शक्यता आहे. शिक्षण व्यवसायाशी संबंधित लोकांचे आर्थिक आणि वैयक्तिक नुकसान होण्याची शक्यता या काळात आहे. व्यवसायात नवीन बदल केल्याने मोठे नुकसान होण्याची शक्यता आहे. वैवाहिक जीवनात सतत भांडणं होण्याची चिन्हे आहेत. होणाऱ्या वादामुळे नात्यातील गोडवा कमी होऊ शकतो.