फ्रेशर्स आहात आणि नोकरी शोधताय तर ही बातमी खास तुमच्यासाठी. रेल्वेत तुम्हाला काम करायची संधी मिळणार आहे. रेल्वेत काम करण्याची संधी आणि अनुभवदेखील मिळणार आहे. रेल व्हीकल फॅक्टरीमध्ये सध्या अप्रेंटिस ट्रेनिंग सुरु आहे. या अप्रेंटिसशिपसाठी इच्छुकांनी अर्ज करायचे आहेत.

रेल्वे व्हील फॅक्टरीत काम करण्याची संधी तुमच्याकडे आहे. या कालावधीत तुम्हाला ट्रेनिंग दिले जाणार आहेत. याचसोबत स्टायपेंडदेखील मिळणार आहे. तुम्हाला अप्रेंटिसशिप सर्टिफिकेट मिळणार आहे. एकूण १९० पदांसाठी ही भरती केली जाणार आहे.

ट्रेडमध्ये ही अप्रेंटिसशिप करण्याची संधी तुमच्याकडे आहे. फिटर, मेकॅनिस्ट, मेकॅनिक, टर्नर, सीएनसी प्रोग्रामिंग कम ऑपरेटर, इलेक्ट्रिशियन, इलेक्ट्रॉनिक मेकॅनिक अशा पदांसाठी भरती होणार आहे.

पात्रता

रेल व्हील फॅक्टरीतील या नोकरीसाठी अर्ज करणाऱ्या उमेदवारांनी १०वी पास असणे गरजेचे आहे. याचसोबत नॅशनल काउंसिल वोकेशनल ट्रेनिंगकडून मान्यताप्राप्त विद्यापीठातून नॅशनल ट्रेड सर्टिफिकेट प्राप्त केलेले असावे. या नोकरीसाठी अर्ज करणाऱ्या उमेदवाराचे वय १५ ते २४ मध्ये असावे.

स्टायपेंड

अप्रेंटिसशिप ट्रेनिंगच्या काळात फिटर, मेकॅनिस्ट, मेकॅनिक, टर्नर, इलेक्ट्रिशियन,इलेक्ट्रॉनिक मेकॅनिक पदासाठी १२,२६१ रुपये स्टायपेंड मिळणार आहे. तर सीएनसी प्रोग्रामिंग कम ऑपरेटर पदासाठी मासिक पगार १०,८९९ रुपये मिळणार आहे. या नोकरीसाठी उमेदवारांची निवड मेरिट लिस्टद्वारे होणार आहे. या नोकरीसाठी अर्ज करण्याची शेवटची संधी १ एप्रिलपर्यंत आहे.