सरकारी नोकरीच्या शोधात असणाऱ्या तरुणांसाठी महत्त्वाची बातमी आहे. सध्या रेल्वेत नोकरी करण्याची सुवर्णसंधी तुमच्याकडे आहेत.रेल्वेत खेळाडू पदांसाठी भरती जाहीर करण्यात आली आहे. या नोकरीसाठी अर्जप्रक्रिया सुरु झाली आहे. स्पोर्ट्स कोटाअंतर्गत नोकरी करण्याची सुवर्णसंधी तुमच्याकडे आहे. या नोकरीसाठी अर्ज करण्याची शेवटची तारीख १२ ऑक्टोबर २०२५ आहे. इच्छुकांनी लवकरात लवकर अर्ज करावेत.

रेल्वेतील या नोकरीसाठी साउथर्न रेल्वे रिक्रूटमेंट सेलद्वारे अधिसूचना जाहीर करण्यात आली आहे. या नोकरीसाठी अर्ज कुठे अन् कसा करावा याबाबत सविस्तर माहिती जाणून घ्या.

रेल्वेमध्ये एकूण ६७ पदांसाठी भरती जाहीर करण्यात आली आहे. स्पोर्ट्स कोटाअंतर्गत लेव्हल १ ते लेव्हल पदांसाठी ही भरती केली जाणार आहे. या नोकरीसाठी अर्जप्रक्रिया १३ सप्टेंबर २०२५ पासून सुरु झाली होती. या नोकरीसाठी अर्ज करण्याची शेवटची तारीख १२ ऑक्टोबर २०२५ आहे. त्यामुळे इच्छुकांनी लवकरात लवकर अर्ज करावेत. तुम्हाला रेल्वे रिक्रूटमेंट सेलच्या rrcmas.in वेबसाइटवर जाऊन अर्ज करायचा आहे.

पात्रता

या नोकरीसाठी लेव्हल २ आणि ३ च्या पदांसाठी अर्ज करणाऱ्या उमेदवारांना कॉमनवेल्थ गेम्स किंवा यूथ गेम्स किंवा वर्ल्ड चॅम्पियनशिप किंवा चॅम्पियन्स ट्रॉफिमध्ये भारताला रिप्रेजेंट केलेले असावे. लेव्हल १ पदासाठीही अर्ज करणाऱ्या उमेदवारानेही भारतासाठी आंतरराष्ट्रीय लेव्हलला खेळले असावे.१८ ते २५ वयोगटातील उमेदवार या नोकरीसाठी अर्ज करु शकतात.

या नोकरीसाठी उमेदवारांची निवड कोणत्याही परीक्षेशिवाय होणार आहे. उमेदवारांना स्पोर्ट्स ट्रायल द्यावी लागणार आहे. याचसोबत कागदपत्रे पडताळणी आणि मेडिकल टेस्ट होणार आहे. त्यानंतरच उमेदवारांची निवड केली जाणार आहे. या नोकरीसाठी निवड झाल्यावर उमेदवारांना १२,००० ते २९,२०० रुपये बेसिक सॅलरी मिळणार आहे. याचसोबत इतर अनेक लाभ मिळणार आहे.