रेल्वेमध्ये नोकरी करण्याची अनेकांची इच्छा असते. तुमचीही रेल्वेत नोकरी करण्याची इच्छा असेल तर तुमच्यासाठी आंनदाची बातमी आहे. उत्तर रेल्वेमध्ये नोकरीची सुवर्णसंधी आहे. उत्तर रेल्वेमध्ये अप्रेंटिस पदासाठी भरती सुरु आहे. तब्बल ४०९६ जागांसाठी ही भरती केली जाणार आहे.

उत्तर रेल्वेच्या या भरतीसाठी अर्जप्रक्रिया १६ ऑगस्टपासून सुरु झाली आहे. या नोकरीसाठी अर्ज करण्याची शेवटची तारीक १६ सप्टेंबर २०२४ आहे. या नोकरीसाठी इच्छुक उमेदवारांनी लवकरात लवकर अर्ज करावेत. या नोकरीची जाहिरात अधिकृत वेबसाइटवर देण्यात आली आहे.

फिटर, वेल्डर, कारपेंटर, पेंटर, इलेक्ट्रिशियन, मशिनिस्ट, वेल्डर, मेकॅनिक डिझेल, कॉम्प्युटर ऑपरेटर, मेक्रनिक मोटर व्हेईकल अप्रेंटिस या पदांसाठी ही भरती जाहीर केलेली आहे. या नोकरीसाठी अर्ज करणाऱ्या उमेदवाराने मान्यताप्राप्त विद्यापीठातून/संस्थेतून १०वी पास तसेच संबंधित ट्रेडमध्ये ITI केलेला असावा.

या नोकरीसाठी उमेदवारांना ऑनलाइन पद्धतीने अर्ज करायचा आहे. १५ ते २४ वयोगटातील उमेदवार या नोकरीसाठी अर्ज करु शकतात. नोकरीसाठी अर्ज करताना १०० रुपये अर्ज शुल्क भरावे लागणार आहे.

या नोकरीसाठी तुम्हाला ऑनलाइन पद्धतीने अर्ज करायचा आहे. यासाठी तुमचा मोबाईल नंबर आणि ई-मेल आयडी असणे आवश्यक आहे. अर्जासोबतच उमेदवाराने त्याचे सर्व महत्त्वाचे कागदपत्र अपलोड करायची आहेत.