सरकारी नोकरीच्या शोधात असणाऱ्या तरुणांसाठी आनंदाची बातमी आहे. महाराष्ट्रात शासनात नोकरीची संधी आहे. महाराष्ट्र शासनाच्या ऑफिस असिस्टंट आणि कॉम्प्युटर टेक्निशियन पदासाठी भरती करण्यात येणार आहे. या नोकरीसाठी इच्छुक उमेदवारांनी ऑनलाइन पद्धतीने अर्ज करायचे आहे.

महाराष्ट्र राज्य सुरक्षा महामंडळात ७ जागांसाठी पदभरती करण्यात येणार आहे. याबाबत सर्व माहिती अधिकृत वेबसाइटवर देण्यात आली आहे. १८ सप्टेंबर २०२४ ही अर्ज करण्याची शेवटची तारीख आहे. इच्छुक उमेदवारांनी लवकरात लवकर अर्ज करावेत.

ऑफिस असिस्टंट आणि कॉम्प्युटर टेक्निशियन पदासाठी उमेदवाराने मान्यताप्राप्त विद्यापीठातून पदवी प्राप्त केलेली असावी. तसेच मराठी आणि इंग्रजी टायपिंग येणे गरजेचे आहे. MSCIT प्रमाणपत्र असणे गरजेचे आहे.

२५ ते ४० वयोगटातील उमेदवार अर्ज करु शकतात. या नोकरीसाठी निवड झालेल्या उमेदवारांना २५,००० ते ३५,००० रुपये पगार मिळणार आहे. नोकरीसाठी अर्ज करण्याची शेवटची तारीख १८ सप्टेंबर २०२४ आहे.

सध्या रेल्वेतदेखील भरती सुरु आहे. रेल्वेत ११ हजारांपेक्षा जास्त पदांसाठी भरती सुरु आहे. या नोकरीसाठी अर्ज करण्याची शेवटची तारीख १३ ऑक्टोबर आहे. त्यामुळे इच्छुक उमेदवारांना मुदतीपूर्वी अर्ज करावेत.