लष्करात नोकरी मिळवू इच्छिणाऱ्या सर्व उमेदवारांसाठी एक आनंदाची बातमी आहे. इंडो-तिबेट बॉर्डर पोलीस फोर्स (ITBP) साठी आजपासून म्हणजेच 2 सप्टेंबर 2024 पासून कॉन्स्टेबल पदांच्या भरतीसाठी अर्ज प्रक्रिया सुरू करण्यात आली.

यासाठी इच्छुक उमेदवारांना recruitment.itbpolice.nic.in या वेबसाईटला भेट द्यावी लागेल. ITBP कॉन्स्टेबल भरतीसाठी अर्ज करू इच्छिणारे पात्र उमेदवार वरील अधिकृत वेबसाइटला भेट देऊन अर्ज करू शकतील.या भरतीसाठी अर्ज करण्याची अंतिम तारीख 1 ऑक्टोबर आहे. इच्छुक उमेदवारांनी या तारखेला किंवा त्यापूर्वी अर्ज करावेत.

किती पदांची होणार भरती?

या भरती मोहिमेद्वारे एकूण 819 कॉन्स्टेबल (किचन सर्व्हिसेस) पदांची भरती केली जाईल.

पुरुषासाठी : ६९७ जागा

महिलांसाठी: १२२ जागा

शैक्षणिक पात्रता काय?

ITBP कॉन्स्टेबल भरती (स्वयंपाकघर सेवा) साठी अर्ज करणारे उमेदवार मान्यताप्राप्त मंडळातून 10वी किंवा मॅट्रिक उत्तीर्ण असले पाहिजेत. तसेच त्यांनी राष्ट्रीय कौशल्य विकास महामंडळ किंवा राष्ट्रीय कौशल्य विकास महामंडळाद्वारे मान्यताप्राप्त संस्थेकडून अन्न उत्पादन किंवा स्वयंपाकघरातील NSQF स्तर 1 अभ्यासक्रमाचा अभ्यास केलेला असावा. संबंधित विषयांबद्दल अधिक माहितीसाठी, उमेदवार अधिकृत वेबसाइटला भेट देऊ शकतात.

अर्ज कसा करायचा

खाली दिलेल्या स्टेप अनुसार उमेदवार ITBP कॉन्स्टेबल भरती (स्वयंपाकघर सेवा) साठी अर्ज करू शकतील.

सर्वात आधी ITBP recruitment.itbpolice.nic.in च्या अधिकृत वेबसाइटवर जा.

यानंतर होम पेजवर उपलब्ध असलेली ITBP कॉन्स्टेबल रिक्रुटमेंट 2024 (किचन सर्व्हिस) अर्जाची लिंक उघडा.

त्यानंतर आधी तुमची नोंदणी करा. तुमची लॉगिन माहिती मिळवा.

आता अर्ज भरण्यासाठी पुढे जा म्हणजेच नेक्स्ट पेजवर जा.

त्यानंतर आवश्यक माहिती प्रविष्ट करा, कागदपत्रे अपलोड करा आणि अर्ज फी भरा.

शेवटी तुमचा फॉर्म सबमिट करा. अर्ज प्रक्रिया पूर्ण झाल्याची पावती डाउनलोड करा.