बँकेत नोकरी करण्याचे स्वप्न पाहणाऱ्या तरुणांसाठी खुशखबर आहे. इन्स्टिट्यूट ऑफ बँकिंग पर्सोनल सिलेक्शन (IBPS) ने अधिसूचना जाहीर केली आहे. आयबीपीएसच्या अधिकृत वेबसाइटवर ही अधिसूचना जाहीर करण्यात आली आहे.दरवर्षी आयबीपीएस परीक्षेद्वारे देशातील सरकारी बँकामध्ये नियुक्ती केली जाते. IBPS लिपिक (IBPS Clerk Recruitment)अधिसूचना १ जुलै रोजी प्रसिद्ध करण्यात आली. त्यानंतर या पदांसाठी ऑनलाइन नोंदणी करण्यात आली आहे. यावर्षी ६ हजारांपेक्षा जास्त लिपिक पदांसाठी अर्ज मागवण्यात आले आहेत. (Bank Job)

आयबीपीएस लिपिक २०२४ (IBPS Clerk 2024)पदांसाठी १ जुलैते २१ जुलैपर्यंत उमेदवार अर्ज करु शकतात. IBPS लिपिक पदासाठी अर्ज करणाऱ्या उमेदवाराने मान्यताप्राप्त संस्थेतून पदवी प्राप्त केलेली असणे आवश्यक आहे. (IBPS Exam Clerk Eligiibility)त्याचसोबत उमेदवाराला संगणकाचे ज्ञान असावे. अर्जदाराचे वय किमान २० ते २८ वर्ष असावे. यासाठी तुम्ही IBPSच्या अधिकृत वेबसाइटवर जाऊन अर्ज करु शकतात. ऑनलाइन परीक्षेच्या आधारे उमेदवारांची निवड केली जाईल.यासाठी तुम्हाला अभ्यास करावा लागेल. आयबीपीएसची परीक्षा कठीण असल्याचे सांगितले जाते. त्यामुळे ज्या उमेदवारांना खरच बँकेत काम करायचे आहे. त्यांनी आतापासूनच तयारी करायला हवी.

जर तुम्हाला बँकेत काम करायची इच्छा असेल तर पंजाब नॅशनल बँकेतदेखील भरती सुरु आहेत. बँकेत २७०० शिकाऊ पदांसाठी भरती करण्यात येणार आहे. पंजाब नॅशनल बँकेत अर्ज करण्याची प्रक्रिया ३० जून २०२४ पासून सुरु झाली आहे. तुम्ही बँकेच्या अधिकृत वेबसाइटवर जाऊन अर्ज करु शकतात. त्याचसोबत तुम्ही आयबीपीएस परीक्षेसाठीदेखील तयारी करु शकतात.