भारतीय अन्न सुरक्षा आणि मानक प्राधिकरण म्हणजेच FSSAI मध्ये नोकरीची संधी आहे. FSSAI ने ग्रुप A आणि ग्रुप B साठी रिक्त जागांवरील भरती जाहीर केली आहे. यासाठी इच्छुक उमेदवारांनी अधिकृत वेबसाइट www.fssai.gov.in वर अर्ज करायचा आहे. या नोकरीसाठी अर्ज करण्याची प्रक्रिया सुरु झाली आहे. नोकरीसाठी अर्ज करण्याची शेवटची तारीख २९ जुलै २०२४ आहे.

FSSAI मध्ये सहाय्यक संचालक आणि प्रशासकीय अधिकारी या पदांसाठी भरती केली जाणार आहे. ग्रुप ए आणि ग्रुप बी अधिकाऱ्यांसाठी ही भरती केली जाणार आहे. यात सहाय्यक संचलक पदासाठी ५६,१०० ते १,७७,५०० रुपये मासिक वेतन मिळेल. भारतातील FSSAI कार्यालयांमध्ये तुमची पोस्टिंग केली जाईल. तर प्रशासकीय अधिकारी या पोस्टसाठी ४७,६०० रुपये ते १,५१,००० रुपये मासिक वेतन दिले जाईल.

असिस्टंट डायरेक्टर या पदासाठी अर्ज करणाऱ्या उमेदावारांनी मान्यताप्राप्त विद्यापीठातून बॅचलर डिग्री प्राप्त असणे आवश्यक आहे. तसेच त्यांना ६ वर्षाचा कामाचा अनुभव असायला हवा. प्रशासकीय अधिकारी पदासाठी उमेदवाराला ३ वर्षांचा अनुभव असणे गरजेचे आहे.

या नोकरीसाठी तुम्ही ऑफलाइन पद्धतीने अर्ज करु शकतात.यासाठी उमेदवारांना अर्जाची कॉपी मुदतीपूर्वी FSSAI च्या कार्यालयात पाठवावी लागेल. तुम्हाला सहाय्यक संचालक,FSSAI मुख्यालय, तिसरा मजला,FDA भवन, कोटला रोड, नवी दिल्ली येथे अर्ज पाठवावा लागेल.