सणासुदीच्या दिवसांना सुरुवात झाली आहे. सप्टेंबर महिन्याच्या सुरुवातीला गणेशोत्सव सुरु होणार आहे. गणेशोत्सवानंतर नवरात्र, दिवाळी सण सुरु होणार आहेत. त्याचवेळी मोठ्या प्रमाणावर खरेदी-विक्री होणार आहे. त्याच पार्श्वभूमीवर सध्या देशभरात हंगामी कामगारांची भरती सुरु झाली आहे. क्विक कॉमर्स साइट म्हणजेच किराणा, वस्तू विक्री करणाऱ्या ऑनलाइन साइटला कामगारांची गरज आहे.

एका रिपोर्टनुसार, सणासुदीच्या काळात हंगामी कामगारांची मागणी तब्बल ४० टक्के वाढू शकते, असा अंदाज वतर्वण्यात आला आहे. ई-कॉमर्स साइट आणि फूड डिलिव्हरी कंपन्या २० टक्के कामगारांची भरती करु शकतात.

सध्या अॅमेझॉन, स्विगी इन्स्टामार्ट, झेप्टो, ब्लिंकिंट यांसारख्या कंपन्या आपली डिलिव्हरी सर्व्हिस अजून चांगली बनवण्यासाठी हंगामी कामगार भरती करु शकतात. यामुळे तब्बल १०.१२ लाख लोकांना रोजगार मिशू शकत. सध्या ई- कॉमर्स साइटचा वापर करुन मोठ्या प्रमाणात वस्तू ऑनलाइन मागवल्या जातात.त्यामुळे सणासुदीच्या काळात मागणी वाढल्यामुळे कर्मचाऱ्यांना नोकरीची संधी उपलब्ध होणार आहे.

यामुळेच लाखो कर्मचाऱ्यांचे उत्पन्न वाढू शकते. जवळपास ४०-५० लाख हंगामी वाहक देशभरातली किराणी विक्री उद्योगांमध्ये काम करत आहे. त्याचसोबत ३-४ लाख वाहन क्विक कॉमर्स साइटच्या साखळीत काम करत असल्याचे दिसत आहे.

एका ऑर्डरची डिलिव्हरी केल्यानंतर वाहक २०-३० रुपये कमवतात. तसेच सर्ज बेनेफिदेखील त्यांना मिळते. त्यांना १३ ते १५ रुपये सर्ज बेनिफिट म्हणून मिळतात. तसेच हंगामी भरतीसाठी कामगार सुचवल्यावर त्यांना अतिरिक्त भत्ता मिळतो. म्हणजेच एका ऑर्डरमागे त्यांना ४० ते ५० रुपये मिळतात. जवळपास ३३ टक्के हंगामी कामगार ई- कॉमर्स क्षेत्रात कार्यरत आहेत. त्यामुळे येत्या सणासुदीला लाखो नोकऱ्या उपलब्ध होणार आहे.