IBPS PO Recruitment: बँकेच्या परीक्षा देणाऱ्यांसाठी महत्त्वाची अपडेट! IBPS PO साठी अर्ज करण्याची मुदत वाढली

राष्ट्रीय बँकेत नोकरी करण्याची अनेकांची इच्छा असते. देशातील ११ राष्ट्रीय बँकांमध्ये प्रोबेशनरी ऑफिसर पदासाठी भरती जाहीर करण्यात आली आहे. ही भरती दरवर्षी केली जाते. यावर्षी आयबीपीएसअंतर्गत भरतीसाठी अर्ज दाखल करण्यास सांगितले आहे. या नोकरीसाठी अर्ज करण्याची शेवटची तारीख २१ ऑगस्ट २०२४ होती. मात्र, आता अर्ज करण्याची मुदतवाढ करण्यात आली आहे. २८ ऑगस्ट ही अर्ज करण्याची शेवटची तारीख आहे.

IBPS POच्या ४४५५ जागांसाठी ही भरती करण्यात येणार आहे. या नोकरीसाठी इच्छुक उमेदवारांनी लवकरात लवकर अर्ज करावेत.IBPS PO द्वारे बँक ऑफ इंडिया, बँक ऑफ महाराष्ट्र, इंडियन बँक आणि कॅनरा बँक अशा एकूण ११ राष्ट्रीय बँकांमध्ये ही भरती केली जाणार आहे. या नोकरीसाठी उमेदवारांची निवड लेखी परीक्षेद्वारे केली जाणार आहे.

आयबीपीएस भरतीमध्ये उमेदवारांना ऑनलाइन पद्धतीने अर्ज करायचे आहे. अर्ज करणाऱ्या उमेदवाराने मान्यताप्राप्त विद्यापीठातून पदवी प्राप्त केलेली असावी.या नोकरीसाठी उमेदवारांची निवड प्रिलियम परीक्षा अन् मुख्य परिक्षेद्वारे केली जाणार आहे.त्यानंतर उमेदवारांना मुलाखतीसाठी बोलावले जाते. मुलाखतीमध्ये पास झाल्यावर उमेदवारांची नेमणूक केली जाणार आहे.