तुम्ही जर सरकारी नोकरीच्या शोधात असाल तर, चांगल्या पगाराची बँकमध्ये नोकरी करण्याची सुर्वणसंधी उपलब्ध आहे. एमपी एपेक्स बँकने अनेक पदांसाठी पात्र उमेदवारांकडून अर्ज मागवले आहेत. नोंदणी सुरू झाली आहे. तुम्हालाही रिक्त जागांसाठी अर्ज करण्याची इच्छा असेल तर, शेवटच्या तारखेपूर्वी फॉर्म भरा.

एपेक्स बँकमध्ये बँक कॅडर ऑफिसर, बँकिंग असिस्टंट आणि असिस्टंट मॅनेजर अशा अनेक पदांसाठी भरती सुरू झाली आहे. ५ ऑगस्टपासून अर्ज करण्याची लिंक सुरू झाली असून ५ सप्टेंबर २०२४ ही अर्ज करण्याची शेवटची तारीख आहे. या भरती मोहिमेद्वारे एकूण १९७ पदे भरण्यात येणार आहेत.

अर्ज करण्याची पात्रता

• या पदांसाठी अर्ज करण्याची शैक्षणिक पात्रता वेगवेगळ्या पदानुसार आहे. याची सविस्तर माहिती तुम्हाला अधिकृत वेबसाईटवर मिळेल.

• ज्या उमेदवारांनी यूजी, पीजी, सीए, एमबीए, बी.कॉम, एम.कॉम केले आहे ते कॅडर ऑफिसरच्या पदासाठी अर्ज करू शकतात.

• बँकिंग सहाय्यक पदासाठी संगणक अभ्यासक्रम केलेले पदवीधर अर्ज करू शकतात.

• सहाय्यक व्यवस्थापक पदासाठी पदवी उत्तीर्ण, संगणक विज्ञान किंवा माहिती तंत्रज्ञानातील पदवी असलेले उमेदवार अर्ज करू शकतात.

• या पदांसाठी १८ ते ३५ वर्षे वय असलेले उमेदवार अर्ज करू शकतात.

निवड कशी केली जाईल?

• लेखी परीक्षा

• वैयक्तिक मुलाखत

• कागदपत्र पडताळणी

• वैद्यकीय तपासणी

पगार किती?

• निवड झालेल्या उमेदवारांना पदानुसार वेतन मिळेल.

• असिस्टंट मॅनेजरचा पगार महिन्याला १ लाख ५ हजार रुपयांपर्यंत असतो.

• कॅडर ऑफिसर पदाचे वेतन १ लाख ४३ हजार रुपये प्रति महिना असेल.

फी किती?

एपेक्स बँकच्या पदांवर अर्ज करण्यासाठी, जनरल, ओबीसी आणि ईडब्ल्यूएस कॅटेगरीतील उमेदवारांना १२०० रुपये शुल्क भरावे लागेल. तर एससी, एसटी आणि पीएच प्रवर्गातील उमेदवारांसाठी ९०० रुपये शुल्क आहे.

अर्ज कसा करावा?

या पदांसाठी अर्ज करताना बँकेच्या अधिकृत वेबसाइटला भेट द्या. कारण हा अर्ज फक्त ऑनलाइन भरता येईल. pexbank.in