वृत्तसंस्था : सासरची मंडळी लग्नात देत असलेला ५ लाख रुपयांचा हुंडा नाकारून तरुणाने जगासमोर आदर्श निर्माण केला आहे. हुंडा घेणे हा कायद्याने गुन्हा मानला जातो. मात्र, आज देखील अनेक भागात हुंडा घेणे हे प्रतिष्ठेचे लक्षण मानले जाते. ज्याची नोकरी जेवढी मोठी आणि जास्त पगाराची, तेवढा त्याला मिळणारा हुंडा अधिक, असे समीकरण समाजामध्ये अनेक ठिकाणी दिसून येत आहे.

मात्र, अनेक तरुण ही अघोरी प्रथा बंद करण्याकरिता पावले उचलताना दिसून येत आहे. एका तरुणाने दिलेला हुंडा काही वेळातमध्येच परत करण्याचा निर्णय हाती घेतला आहे. राजस्थान मधील सीकर जिल्ह्यामध्ये देवेद्र शेखावत या तरुणाचे लग्न सोनू कंवर नावाच्या तरुणीबरोबर झाले आहे. यावेळी लग्नाच्या दरम्यान एका कार्यक्रमामध्ये सासरच्या मंडळींकडून वराला ५ लाख रुपयांची भेट देण्यात आली होती.

हे देखील पहा-

मात्र, हुंड्याच्या स्वरुपात देण्यात येणारे हे पैसे घेण्यास नवरदेव देवेंद्रने नकार दिला आहे. नवरदेवाच्या या निर्णयाने अनेकांना सुखद धक्का बसला आहे. अनेकांना तर नवरदेवाने हुंडा नाकारला, यावर विश्वासच बसला नाही. आपला स्वकर्तृत्वावर विश्वास असणाऱ्या स्वतःला विकण्याची इच्छा नसल्याचे देवेंद्रने सासरच्या मंडळींना सांगितले आहे. हुंडा ही अघोरी प्रथा असून जोपर्यंत स्वतःपासून हुंडा नाकारण्याची सुरुवात होणार नाही, तोपर्यंत ही प्रथा बंद होणार नाही.

यामुळे स्वतःपासून सुरुवात करण्याचा निर्णय़ हाती घेतला आहे. इतरांनादेखील आपण हुंडा नाकारण्यासाठी प्रवृत्त करणार असल्याचे त्याने यावेळी सांगितले आहे. स्वतःला विकण्याचा आणि नवरा विकत घेण्याचा ट्रेंड आता बदलत आहे. आता तरुण हुंड्याच्या प्रथेला विरोध करत असल्याचे चित्र बघायला दिसत आहे.

राजस्थानमध्ये एका तरुणीने हुंड्याच्या प्रथेवर अनोखे उत्तर शोधल्याची घटना मध्ये समोर आली होती. हुंड्यात जितके पैसे देणार आहात, त्या पैशात मुलींसाठी हॉस्टेल बांधा अशी मागणी तिने आपल्या आईवडिलांकडे केली होती. हळूहळू समाजाची पावले हे आधुनिक विचारांच्या दिशेने पडत असल्याचे दिसून येत आहे.

Edited by- Digambar Jadhav