मध्यप्रदेशातील सागर जिल्ह्यातून माणुसकीला काळीमा फसणारी एक घटना समीर आली आहे. लग्नाचे आमिष दाखवून एका विधवा महिलेचे वर्षानुवर्षे शोषण करणाऱ्या नराधमाने आता तिच्या मुलीवरही वाईट नजर ठेवली होती. पीडित महिलेचे अश्लील व्हिडिओ व्हायरल करण्याची धमकी देऊन तो तिच्या मुलीसोबत शारीरिक संबंध ठेवण्यासाठी ब्लॅकमेल करत होता. याप्रकरणी पोलिसांनी आरोपीला अटक केली आहे.

सागर जिल्ह्यातील मोतीनगर ठाण्याच्या हद्दीत राहणाऱ्या एका विधवा महिलेने 5 मे रोजी पोलिसांत तक्रार दाखल केली. पीडितेने दिलेल्या माहितीनुसार पतीच्या निधनानंतर तिची ओळख आरोपी रविकांत शर्मा याच्याशी झाली. सुरुवातीला आरोपीने महिलेबद्दल सहानुभूती दाखवली आणि हळूहळू तिच्या घरी येणे जाणे सुरू केले.

त्याने महिलेला लग्नाचे वचन दिले. त्याच्या बोलण्यावर विश्वास ठेवून महिला त्याच्या घरी गेली, जिथे त्याने तिच्यावर वारंवार अत्याचार केले. जेव्हा महिला लग्नासाठी दबाव टाकू लागली. तेव्हा आरोपीने तिचे अश्लील व्हिडिओ बनवले आणि ते व्हायरल करण्याची धमकी देऊ लागला.

पीडित महिलेने तक्रारीत धक्कादायक खुलासा केला आहे. आरोपी केवळ तिचेच शोषण करत नव्हता, तर त्याची नजर तिच्या तरुण मुलीवरही होती. मुलीशी शारीरिक संबंध ठेवण्यासाठी तो महिलेला धमकावत होता. महिलेने याला विरोध केला असता त्याने तिला मारहाण केली आणि तिच्या मुलाला जीवे मारण्याची धमकी दिली. याशिवाय आरोपीचे इतर महिलांशीही अवैध संबंध असल्याचे समोर आले आहे. मोतीनगर पोलिसांनी या प्रकरणाचे गांभीर्य ओळखून आरोपी रविकांत शर्मा याच्याविरुद्ध बलात्कार, धमकी देणे आणि इतर कलमान्वये गुन्हा दाखल केला आहे. आरोपीला अटक करण्यात आली असून त्याची कसून चौकशी केली जात आहे.