आयएफएस अधकारी पेटल गहलोत या सध्या चर्चेत आल्या आहेत. त्यांनी संयुक्त राष्ट्राच्या सर्वसाधारण सभेत पाकिस्तानचे पंतप्रधान शाहबाज शरीफ यांना खडेबोल सुनावले आहेत. शाहबाज शरीफ यांना भारताविरोधात पुन्हा एकदा गरळ ओकळी होती. त्याचदरम्यान, सभेत पेटल यांनी पाकिस्तानचा खरा चेहरा सर्वांसमोर उघड केला. त्यांनी ऑपरेशन सिंदूर आणि सिंधू पाणी कराबाबतचे केलेले खोटे दावे खोडून काढले आहेत.

संयुक्त राष्ट्राच्या सर्वसाधारण सभेत त्यांनी सांगितले की, अध्यक्ष महोदय, या सभेत पाकिस्तानच्या पंतप्रधानांनी नाटके केली. त्यांनी पुन्हा एकदा दहशतवादाचा पुरस्कार केला आहे.जो त्यांच्या परराष्ट्र धोरणाचा बिंदू आहे. पाकिस्तानचे कोणत्याही प्रकारचे नाटक हे खरं वास्तव लपवू शकल्या नाहीत, असं त्या म्हणाल्या.

कोण आहेत पेटल गहलोत? (Who is Patel Gehlot)

पटेल गहलोत यांनी पाकिस्तानला चांगलेच प्रत्युत्तर दिले आहे. आंतरराष्ट्रीय बैठकीत पाकिस्तानचा मुखवटा फाडला आहे. पेटल गहलोत या भारतीय विदेश सेवेत कार्यरत आहेत.

पेटल गहलोत या मूळच्या दिल्लीच्या आहेत. त्यांनी मुंबईच्या सेंट झेवियर्स कॉलेजमधून राजशास्त्र विषयात पदवी प्राप्त केली. यानंतर दिल्लीतील लेडी श्री राम कॉलेज फॉर वूमन येथून पदवी प्राप्त केली.यानंतर त्यांनी २०१४ मध्ये यूपीएससी परीक्षा दिली. या परीक्षेत त्यांना ९६ रँक मिळाली होती. त्यानंतर २०१५ मध्ये त्या भारतीय विदेश सेवामध्ये कार्यरत झाल्या. त्यांनी संयुक्त राष्ट्र संघटनेत जाण्याआधी परराष्ट्र मंत्रालयाच्या युरोपियन वेस्टर्न विभागात सहसचिव म्हणून काम केले होते.

पेटल गहलोत जपतात आवड

पेटल गहलोत यांना संगीताचीदेखील आवड आहे. त्या प्रसिद्ध गिटार वादकदेखील आहेत. त्यांचा काही दिवसांपूर्वी एक व्हिडिओ व्हायरल झाला होताय. यामध्ये त्यांनी इटलीची प्रसिद्ध गायक गीत बेला सियाओ यांचे गाणे गायले होते.