Viral News : अमेरिकेतील एका रुग्णालयात भलताच योगायोग जुळून आला आहे. रुग्णालयातील 12 नर्स एकाच वेळी गर्भवती आहेत. या घटनेची अमेरिकेसह जगभरात चर्चा होत आहे.

अमेरिकेच्या व्हर्जिनिया हॉस्पिटलमधील रिजनल मेडिकल सेंटर टीमच्या एकूण 12 नर्स एकत्रितपणे गर्भवती झाल्या आहेत. या 12 महिलांपैकी 11 नोंदणीकृत नर्स असून एक युनिट सेक्रेटरी आहे.

यातील दोन महिलांनी यापूर्वीच दोन मुलांना जन्म दिला आहे. एका महिला कर्मचाऱ्याने 15 मार्च रोजी एका मुलीला तर दुसऱ्या महिलेने 16 मे रोजी मुलीला जन्म दिला.

यूएस टुडेच्या वृत्तानुसार, हेली ब्रॅडशॉ नावाच्या नर्सने म्हटलं की, मी खूप भाग्यवान आहे की मला या अवस्थेत पाठिंबा देण्यासाठी इतर अनेक नर्स आहेत. जर आम्हाला कशाचीही गरज असेल तर आम्हाला जास्त काळजी करण्याची गरज नाही. आम्ही एकमेकांना मदत करतो. (Latest Marathi News)

पुढील महिन्यात तीन नर्स बाळाला जन्म देणार आहेत. याशिवाय ऑगस्टमध्ये आणखी तीन महिला बाळंत होणार आहेत. उर्वरित 3 महिला अनुक्रमे सप्टेंबर, ऑक्टोबर आणि नोव्हेंबरमध्ये आई होणार आहेत. म्हणजेच या वर्षाच्या अखेरीस रुग्णालयातील सर्व सर्व आई होणार आहेत.