देशभरातील हवामानात विविधता दिसून येत असून काही भागांत थंडीची लाट तर काही भागांत उष्णतेचा प्रभाव जाणवून येत आहे. मान्सून, मान्सूनपूर्व हालचाली आणि 'एल निनो' (El Niño) यांचा हवामानावर परिणाम होत आहे. भारतीय हवामान विभागाने (IMD) पुढील दोन दिवसांत २० राज्यांमध्ये पावसासह धुळीची वादळे येण्याचा इशारा दिला आहे.

आयएमडीनुसार मान्सूनने ४ जून ते १५ जूनपर्यंत १९ राज्यापर्यंत मान्सूननं मजल मारली आहे. तर इतर राज्यात अजून पूर्व-मान्सून पाऊस होतोय. पुढील ४८ तासात मान्सून मध्य प्रदेशात पोहोचेल अशी शक्यता आहे. ५ जुलैपर्यंत मान्सून पूर्ण उत्तर-पश्चिम भारतात पोहोचेल त्यानंतर दोन महिन्यापर्यंत सक्रिय असेल.

मान्सून आतापर्यंत कोण-कोणत्या राज्यात पोहोचलाय?

भारतीय हवामान विभागाच्या माहितीनुसार, मान्सूनने केरळ, कर्नाटक, गोवा, तामिळनाडू, महाराष्ट्र, आंध्र प्रदेश, तेलंगणा, मणिपूर, त्रिपुरा, नागालँड, अरुणाचल प्रदेश, मिझोराम, मेघालय, सिक्कीम, पश्चिम बंगाल, बिहार, झारखंड आणि ओडिशा या राज्यांमध्ये प्रगती केली आहे. ५ जुलैपर्यंत मान्सून मध्य प्रदेश, उत्तर प्रदेश, गुजरात, लडाख, उत्तराखंड, हिमाचल प्रदेश, जम्मू-काश्मीर, पंजाब, हरियाणा, दिल्ली, चंदीगड आणि राजस्थानमध्ये दाखल होण्याची शक्यता आहे.

'या' राज्यांमध्ये होणार मुसळधार पाऊस

हवामान विभागानुसार उत्तर प्रदेशाच्या २१ शहरांमध्ये वादळ येणार असल्याचा इशारा देण्यात आला. जवळपास ६० ते ७० किमी वेगाने वादळी वारे वाहण्याची शक्यता हवामान विभागाने वर्तवली आहे. राजस्थानमधील बिकानेर, जयपूर, भरतपूर, अजमेर, कोटा आणि जोधपूर येथे पुढील चार दिवसात पावसाचा अंदाज वर्तवण्यात आला आहे. १५ जूनपासून हिमाचल प्रदेशच्या डोंगराळ भागात धूळीची वादळे आणि पावसासाठी 'येलो अलर्ट'ची शक्यता वर्तवण्यात आली आहे. आज बिहारमधील १२ जिल्ह्यांसाठी वादळी पावसाचा 'येलो अलर्ट' जारी करण्यात आलाय.

१६ जूनला 'या' राज्यात पावसाचा अलर्ट

राजस्थानमधील बिकानेर, जयपूर, भरतपूर, अजमेर, कोटा आणि जोधपूर येथे पुढील चार दिवसांत पावसाचा अंदाज वर्तवण्यात आलाय. १५ जूनपासून हिमाचल प्रदेशच्या डोंगराळ भागात धूळीची वादळे आणि पावसासाठी 'येलो अलर्ट'ची शक्यता आहे. तसेच आज बिहारमधील १२ जिल्ह्यांसाठी वादळी पावसाचा 'येलो अलर्ट' जारी करण्यात आलाय.

या राज्यांमध्ये पावसाची शक्यता

भारतीय हवामान विभागाच्या (IMD) अंदाजानुसार, बुधवारी १७ जून रोजी सिक्कीम, पश्चिम बंगाल, आसाम आणि मेघालयमध्ये मुसळधार पावसाची शक्यता आहे. राजस्थान आणि मध्य प्रदेशमध्ये ताशी ४० ते ६० किमी वेगाने वाहणाऱ्या वाऱ्यांसह पाऊस पडण्याची शक्यता आहे. झारखंड आणि ओडिशामध्ये वादळी वाऱ्यांसह पावसाची शक्यता आहे. तामिळनाडू, पुद्दुचेरी, कर्नाटक आणि महाराष्ट्राच्या काही भागांत सोसाट्याच्या वाऱ्यांसह मुसळधार पाऊस पडू शकतो.