Uttar Pradesh News : गुजरातच्या मोरबी पूल दुर्घटनेनंतर आता उत्तर प्रदेशातील चंदौली जिल्ह्यात सोमवारी मोठी घटना घडली आहे. छटपूजेवेळी कर्मनाशा नदीवरील पूल अचानक कोसळला. या पुलावर उभे असलेले १२ हून अधिक नदीच्या पाण्यात पडले.

पूल कोसळल्यानंतर (Bridge Collapsed) नदीत पडणाऱ्या भाविकांना बघून आजूबाजूला असलेल्या लोकांनी आरडाओरड सुरू केली. सुदैवाने नदीपात्रात पाणी कमी असल्याने कुणी बुडालं नाही. आजूबाजूच्या ग्रामस्थांनी नदीत पडलेल्या भाविकांना तात्काळ बाहेर काढले. या घटनेची माहिती मिळताच पोलीस घटनास्थळी पोहोचले. त्यांनी घटनेची माहिती घेतली. (Letest Marathi News)

चंदौली जिल्ह्यातील चकिया पोलीस ठाण्याच्या हद्दीतील सरैया गावाजवळ ही घटना घडली. चार दिवस चालणाऱ्या छटपूजा महापर्वाचा शेवटचा दिवस होता. त्यामुळे सरैया गावाजवळून वाहणाऱ्या कर्मनाशा नदीजवळ महिला मोठ्या संख्येने जमल्या होत्या. महिला नदीजवळ पूजा-अर्चा करत होत्या. त्यांच्यासोबत आलेले त्यांचे कुटुंबीय नदीच्या पुलावर उभे राहिले होते. (Breaking Marathi News)

छटपूजा सुरू असतानाच नदीवरील पूल कोसळला. पुलावर उभे असलेले १२ हून अधिक लोक नदीत कोसळले. पूल कोसळताना पाहून जवळच असलेल्या ग्रामस्थांनी आरडाओरडा सुरू केला. नदीपात्रात पाणी कमी असल्याने सुदैवाने या घटनेत कोणतीही जिवीतहानी झाली नाही. काही ग्रामस्थांनी नदीत पडलेल्या लोकांना तात्काळ बाहेर काढले. सर्वांना सुरक्षित बाहेर काढण्यात आल्याचे सांगण्यात आले.

पोलिसांनी घटनास्थळी घेतली धाव

या घटनेची माहिती मिळाल्यानंतर पोलीस घटनास्थळी पोहोचले. या घटनेची माहिती घेऊन पोलीस परतले. पोलीस अधिकाऱ्यांनी सांगितले की, छटपूजेवेळी ही दुर्घटना घडली. पुलावर काही लोक उभे होते. त्यावेळी अचानक पूल कोसळला. कुणालाही दुखापत झाली नाही. पोलिसांनी घटनास्थळी जाऊन माहिती घेतली आहे.