'फक्त तासनतास झोपा आणि पैसे कमवा' असं तुम्हाला कोणी सांगितलं तर तुम्ही ऑफर नक्की स्विकाराल. अनेकांनी याचे स्वप्न देखील पाहिली असतील. मात्र, खरचं कधी झोपण्याचे पैसे मिळतील का ओ? तर याचे उत्तर आता हो आहे. देशातील सुप्रसिद्ध कंपनीने ही ऑफर दिली आहे. 9 तास गाढ झोपण्यासाठी तुम्हाला 10 लाख रूपये दिले जाणार आहेत. काय आहे ही ऑफर याविषयी सविस्तर जाणून घेऊया.

देशातील सुप्रसिद्ध फर्निचर आणि गाद्या उत्पादक कंपनीने ही भन्नाट इंटर्नशिप सुरू केली आहे. वेकफिट कंपनीची ही इंटर्नशिप आहे. इंटर्नशिपचा 5 वा सीझन सुरू आहे. या ऑफरचा मूळ उद्देश झोपेचे महत्व समजावून सांगणे असा आहे. या इंटर्नशिपसाठी निवडून आलेल्यांना 9 तास कंपनीच्या गादीवर झोपावे लागणार आहे. ज्यामध्ये तुम्हाला केवळ झोपण्याचे लाखो रूपये मिळणार आहे.

या कंपनीत भाग घेण्यासाठी काही नियम आहेत.

1) दररोज रात्री वेळेवर येऊन झोपणे हे काम करावे लागणार आहे.

2) कंपनीकडून तुम्हाला वेकफिटची गादी आणि एक उत्तम स्लीप ट्रॅकर देण्यात येणार आहे.

3) कंपनीकडून स्पर्धकाच्या झोपेचे निरक्षण करण्यात येईल.

4) झोपल्यानंतर गादीवरचा तुमचा अनुभव तुम्हाला कंपनीसोबत शेअर करावा लागणार आहे.