Voters : २०२६ च्या पंचायत निवडणुकीसाठी सुरु असलेल्या मतदार यादीच्या पुनरीक्षणात मोठी तफावत उघड झाली आहे. एका घरात तब्बल ४,२७१ नोंदणीकृत मतदार असल्याची माहिती समोर आली आहे. उत्तर प्रदेशमधील महोबा जिल्ह्यातील एका घरात जैतपूर ग्रामपंचायतीमध्ये ४ हजार २७१ मतदार असल्याचे मसुदा मतदार यादीतून स्पष्ट झाले आहे. या घटनेची सर्वत्र चर्चा होत आहे.

पंचायत निवडणुकीसाठी मतदार यादी तयार करण्याचे आणि सुधारण्याचे काम उत्तर प्रदेश राज्य निवडणूक आयोग करते. ही निवडणूक आयोगाने तयार केलेल्या मतदार यादीपेक्षा वेगळी मतदार यादी आहे. ही यादी राज्य विधानसभा आणि संसदीय निवडणुकांमध्ये वापरली जाते. मतदार यादीच्या पुनरीक्षणात जैतपूरमध्ये मतदार यादीत मोठा गोंधळ समोर आला आहे.

जैतपूरमधील एकूण १६,०६९ मतदारांपैकी तब्बल ४,२७१ मतदारांची नावे चुकून घर क्रमांक ८०३ या एका घरासोबत जोडली गेली होती. निवडणूक आयोगाच्या अधिकाऱ्यांनी या चुकीला कारकुनी त्रुटी असे म्हटले आहे. याशिवाय एकाशी जोडलेले सर्व मतदार खरे असल्याचा दावाही अधिकाऱ्यांनी केला आहे. तीन वॉर्डची नावे चुकून एका घराशी लिंक केल्याचे बीएलओंनी तपासणी करत असताना लक्षात आले.

ग्रामीण भागांमध्ये घर क्रमांक सातत्याने नोंदवले जात नाहीत. त्यामुळे डेटा एन्ट्री दरम्यान चुकीने अनेक नावे एकाच पत्त्यावर जोडली गेली होती. ही यात आता दुरुस्ती केली जात आहे, अशी माहिती सहायक जिल्हा निवडणूक अधिकारी आर. पी. विश्वकर्मा यांनी म्हटले आहे. ही घटना घर क्रमांक न जुळण्याची समस्या आहे, असे वक्तव्य अतिरिक्त जिल्हाधिकारी कुंवर पंकज सिंह यांनी केले.

सर्व मतदार खरे आहेत, पण त्यांचे पत्ते चुकीने एकाच ठिकाणावर जोडले गेले आहेत. आधीच्या याद्यांमध्येही असाच प्रकार झाला होता. यामुळे घरमालकाला धक्का बसला होता. या प्रकरणाची गावात मोठी चर्चा होत आहे. विरोधी पक्षाने या प्रकरणावर सत्ताधारी पक्ष आणि निवडणूक आयोग यांच्यावर निशाणा साधला आहे. फक्त जैतपूरच नाही तर आसपासच्या काही ठिकाणीही मतदार याद्यांमध्ये अशी गोंधळाची परिस्थिती आहे.