एआयएडीएमके AIADMK मधून हकालपट्टी करण्यात आलेल्या व्ही.के. शशिकला यांनी त्यांच्या नवीन पक्षाची घोषणा केली आहे. त्यांनी त्यांच्या पक्षाचे नाव 'ऑल इंडिया पुरात्ची थलाईवर मक्कल मुन्नेत्र कडघम' असे ठेवले आहे. पक्षाची घोषणा करताना त्यांनी त्यांचे निवडणूक चिन्ह 'नारळ लागवड' असे घोषित केले आहे. यावेळी शशिकला म्हणाल्या, नवीन पक्ष एम.जी. रामचंद्रन आणि जे. जयललिता यांच्या विचारसरणीचे अनुसरण करेल. त्या पुढे म्हणाल्या की, आमच्या नवीन पक्षाचे निवडणूक चिन्ह एकतेचे प्रतीक आहे आणि आमची संघटना एका संयुक्त कुटुंबाप्रमाणे काम करणार असून सर्व घटकांना न्याय देईल.

तुरुंगातून सुटल्यानंतर 9 वर्षांनी शशिकला यांनी सक्रिय राजकारणात

तुरुंगातून सुटल्यानंतर ९ वर्षांनी शशिकला यांनी नवीन राजकीय इनिंग सुरू केली आहे. आता, त्या स्वतः एक मजबूत पक्ष स्थापन केला आणि निवडणूक रिंगणात उतरतील. शशिकला यांच्या पक्ष स्थापनेमुळे अण्णा द्रमुकच्या मतपेढीवर मोठा परिणाम होऊ शकतो आणि २०२६ च्या विधानसभा निवडणुकीत समीकरणे बदलू शकतात. जयललिता यांचे स्वप्न साकार करणे हे शशिकला यांचे उद्दिष्ट आहे. शशिकला यांच्या या निर्णयामुळे तामिळनाडूचे राजकारण अधिक मनोरंजक होईल. बेहिशेबी मालमत्ता प्रकरणात अडकल्यानंतर अण्णा द्रमुकने शशिकला यांना पक्षातून काढून टाकले होते. या प्रकरणाच्या चौकशीत शशिकला दोषी आढळल्या.

शशिकला यांनी तामिळनाडूच्या राजकारणात जोरदार पुनरागमन केले आहे. शशिकला यांनी २४ फेब्रुवारी रोजी, माजी मुख्यमंत्री जयललिता यांच्या जयंतीदिनी, रामनाथपुरम जिल्ह्यातील कामुथी येथे त्यांच्या पक्षाचा ध्वज अनावरण केला. या ध्वजावर काळा, पांढरा आणि लाल रंग आहे. ध्वजाच्या मध्यभागी माजी मुख्यमंत्री सीएन अन्नादुराई, एमजी रामचंद्रन (एमजीआर) आणि जयललिता यांचे चित्र आहेत. शशिकला म्हणाल्या की त्यांचा पक्ष द्रविड चळवळीचा वारसा पुढे नेईल आणि तामिळनाडू आणि पुद्दुचेरीमध्ये येणाऱ्या विधानसभा निवडणुकीत उमेदवार उभे करेल.