Yogi Adityanath Viral Video : उमेश पाल हत्या प्रकरणी फरार असलेला माफिया डॉन अतिक अहमदचा मुलगा असद याला चकमकीत ठार केले आहे. यूपी एसटीएफच्या या कारवाईत आज शूटर मोहम्मद गुलामही या मारला गेला. यूपी पोलिसांच्या या कारवाईनंतर उत्तर प्रदेशचे मुख्यमंत्री योगी आदित्यनाथ (Yogi Adityanath) यांचा एक व्हिडीओ (Viral Video) सोशल मीडियावर मोठ्या प्रमाणात व्हायरल होत आहे. ज्यामध्ये ते विधानसभेत 'मिट्टी में मिला दूंगा...' म्हणताना दिसत आहेत.

उत्तर प्रदेशमध्ये गुन्हेगारांवरील कारवाईनंतर पुन्हा एकदा चर्चेत आलेले मुख्यमंत्री योगींचा हा व्हिडीओ (Viral Video) महिनाभरापूर्वीचा आहे. जेव्हा योगी आदित्यनाथ (Yogi Adityanath) उत्तर प्रदेश विधानसभेत म्हटले होते की, माफिया कोणीही असो, सरकार त्याला उद्ध्वस्त करण्याचे काम करेल.  (Latest Political News)

योगी आदित्यनाथ (Yogi Adityanath) म्हणाले होते की, 'हे गुन्हेगार आणि माफिया, हे कोणी वाढवले ​​आहेत? ज्याच्या विरोधात एफआयआर दाखल आहे, त्याला सपाने खासदार केले हे खरे नाही का? तुम्ही गुन्हेगाराला पाळता आणि नंतर तुम्हीच तमाशा करता. आम्ही या माफियांना जमीनीत गाढून टाकू.''

दरम्यान, माफियातून राजकारणी झालेला अतिक अहमद याचा मुलगा असद आणि गुलामचा मुलगा मकसूदन हे दोघेही प्रयागराजच्या उमेश पाल हत्याकांडात फरार होते. त्यांच्यावर प्रत्येकी 5 लाख रुपयांचे बक्षीस होते. झाशी येथे ही चकमक झाली असून त्यांच्याकडून विदेशी बनावटीची अत्याधुनिक शस्त्रे जप्त करण्यात आली आहेत.