Congress Viral Video : कर्नाटकात निवडणुकीचं चित्र जवळपास स्पष्ट झालं आहे. कर्नाटकात काँग्रेसला मोठं बहुमत मिळताना दिसत आहे. अशातच काँग्रेसच्या दिल्ली कार्यालयात मोठा उत्साह साजरा केला जात आहे. सकाळपासूनच कार्यकर्ते येथे मोठ्या संख्येने जमले असून ढोलताशे वाजून येथे आनंदोत्सव साजरा केला जात आहे. मात्र यातच आता एक व्हिडीओ सोशल मीडियावर व्हायरल होत आहे.

या व्हिडीओत काँग्रेस कार्यकर्ते निष्काळजीपणे फटाके फोडताना दिसत आहेत. यातच एका दुर्घटनेतून काँग्रेस नेते थोडक्यात बचावले आहेत. काँग्रेस नेता हातात फटाक्यांचा एक बॉक्स घेऊन फटाके फोडत असल्याचं दिसत आहे. ज्यामुळे मोठी दुर्घटना थोडक्यात टळली आहे. या व्हिडीओही समोर आला आहे. (Viral Video)

व्हिडीओत दिसत असल्याप्रमाणे, फटाके पेटवताना काँग्रेस नेत्याचा तोल जाताना दिसत आहे. तोल गेल्याने त्यांच्या हातातला बॉक्स जमिनीवर पडतो. मात्र फटाके फुटत राहतात. त्यात ते तो बॉक्स उचलण्याचा प्रयत्न करतात, तितक्यात एक फटाका फुटतो आणि त्यांच्या डोळ्याच्या जवळून निघतो. यातच थोडीही जारो चूक झाली असती, तर त्यांना मोठी इजा होऊ शकली असती. (Viral Video) (Latest Marathi News)

एएनआय या वृत्तसंस्थेनेही या घटनेचा व्हिडीओ शेअर केला आहे. 1 मिनिट 41 सेकंदाच्या व्हिडीओमध्ये एक लहानशी गोष्ट कशी मोठी दुर्घटनेत बदलू शकली असती, हे दिसत आहे. यातच आश्चर्याची बाब म्हणजे या घटनेनंतर दुसरा काँग्रेस कार्यकर्ता आला आणि त्यानेही हीच कृती केली. (Viral Video)