Summary -

• मथुरामध्ये एका घरात कुटुंबातील पाच जण मृतावस्थेत आढळले

• पाचही जणांनी सामूहिक आत्महत्या केली

• दुधामध्ये विष मिक्स करून ते प्यायले

• घटनास्थळी सुसाईड नोट आणि व्हिडीओ पोलिसांना सापडले

उत्तर प्रदेशच्या मथुरामध्ये एक मन हेलावून टाकणारी घटना घडली. याठिकाणी एकाच कुटुंबातील ५ जणांनी सामूहिक आत्महत्या केली. नवरा-बायको आणि तीन मुलांचे मृतदेह घरामध्ये आढळून आले. आत्महत्या करण्यापूर्वी भिंतीवर सुसाईड नोट लिहिली आणि व्हिडीओ देखील काढले होते. या घटनेमुळे मथुरामध्ये खळबळ उडाली. पोलिसांनी घटनास्थळी धाव घेत पाचही जणांचे मृतदेह ताब्यात घेऊन शवविच्छेदनासाठी रुग्णालयात पाठवले आहेत.

मिळालेल्या माहितीनुसार, मथुरातील खपरपुर गावात ही घटना घडली. या ठिकाणी एका घरामध्ये कुटुंबातील ५ सदस्यांचे मृतदेह आढळून आले. मुकेश, त्याची बायको आणि ३ मुलं एकाच खोलीमध्ये मृतावस्थेत आढळून आले. शेजारीच मुकेशचा भाऊ राहतो. त्याने सकाळी घराचा दरवाजा ठोठावला पण कुणीच काहीच प्रतिसाद दिला नाही. त्यामुळे त्याने दरवाजा तोडल्यानंतर आतमध्ये पाचही जणांचे मृतदेह आढळून आले. हे चित्र पाहून त्याला मोठा धक्का बसला.

त्यानंतर त्याने पोलिसांना घटनेची माहिती दिली. पोलिसांनी घटनास्थळी धाव घेतली. पाचही जणांचे मृतदेह ताब्यात घेत त्यांनी शवविच्छेदनासाठी रुग्णालयात पाठवले. पोलिसांना घटनास्थळी भिंतीवर आणि एका वहिमध्ये लिहिलेली सुसाइड नोट सापडली. त्याचसोबत आत्महत्या केलेल्या मुकेशच्या मोबाइलमध्ये आत्महत्यापूर्वी तयार केलेला व्हिडीओ देखील सापडला. व्हिडीओमध्ये त्याने आत्महत्येमागचे कारण सांगितले. मुकेश आणि त्याच्या बायकोने दूधातून विष मिक्स केले आणि हे दूध सर्वजण प्यायले. या घटनेत पाचही जणांचा मृत्यू झाला.

या सामूहिक आत्महत्येमुळे गावात खळबळ उडाली. पोलिसांकडून या प्रकरणाचा तपास सुरू आहे. पोलिस गावाकऱ्यांची चौकशी करत आहेत. मुकेशच्या घरी नेहमी येणारे आणि जाणाऱ्यांचा देखील जबाब नोंदवून घेतला जात आहे. मुकेशचे कुटुंबीय आर्थिक अडचणीत होते का? की आत्महत्येमागे आणखी काही कारण आहेत का? याचा तपास पोलिस करत आहेत. पोस्टमॉर्टम रिपोर्ट आल्यानंतर नेमकं कारण समोर येईल.