उत्तर प्रदेशच्या राजकीय वर्तुळातून एक धक्कादायक घटना घडलीय. आमदार निवासाच्या इमारतीच्या ७ व्या मजल्यावरून पडून भाजप नेते आणि माजी मंत्र्याचं निधन झालंय.नानक राम भुर्जी असं भाजप नेत्याचं नाव आहे. हजरतगंज भागातील 'दारुलशफा' नवीन आमदार निवास संकुलाच्या एका मजल्यावरून भाजप नेते भुर्जी खाली पडले असून जागीच त्यांचा मृत्यू झाला. (Former Bjp Minister Dies After Fall From Mla Residence Building In Lucknow)

वृत्तसंस्था पीटीआयने दिलेल्या माहितीनुसार, ६८ वर्षीय भुर्जी हे माजी राज्यमंत्री होते. आमदार निवास संकुलाच्या प्रभारी अधिकाऱ्याने स्थानिक पोलिसांना सांगितले की, आमदारांच्या निवास इमारतीच्या मागील बाजूच्या एक मजल्यावरून पडल्याचं सांगितलं. माहिती मिळताच पोलिस कर्मचारी घटनास्थळी दाखल झाले.

पहिल्या मजल्यावरून खाली पडलेला व्यक्ती माजी मंत्री भाजप नेते भुर्जी असल्याची पोलिसांनी दिली. त्यानंतर पोलिसांनी भुर्जी यांना सिव्हिल हॉस्पिटलमध्ये नेले. मात्र डॉक्टरांनी त्यांना मृत घोषित केले. दरम्यान त्याच्या कुटुंबीयांना ही दुखद बातमी देण्यात आली आहे. मृतदेह शवविच्छेदनासाठी पाठवण्यात आला असून, पुढील तपास सुरू आहे.