उत्तर प्रदेशातील हाथरसमध्ये ६ वर्षांच्या निष्पाप मुलीची हत्या करण्यात आली आहे. अवैध संबंध लपवण्यासाठी या निष्पाप मुलीची हत्या करण्यात आली होती. या हत्येप्रकरणी पोलिसांनी निष्पाप मुलीच्या आईला आणि तिच्या प्रियकराला बेड्या ठोकल्या आहेत. मुलीनं आईला आणि तिच्या प्रियकराला आक्षेपार्ह स्थितीत पाहिलं होतं. याच कारणामुळे आईनं पोटच्या लेकीला संपवलं. सध्या पोलिसांकडून अधिक तपास सुरू आहे.

हा धक्कादायक प्रकार सिकंदरराव परिसरातील मऊ चिरायल गावातून उघडकीस आला आहे. आई आणि तिच्या प्रियकरानं मिळून ६ वर्षीय चिमुकलीला संपवलं. नंतर रात्रीच्या वेळेस विहिरीत फेकून दिलं. मिळालेल्या माहितीनुसार, पिंकी शर्मा असं आरोपी महिलेचं नाव आहे. घटनेच्या दिवशी पिंकीचे पती आणि सासू मथुरा गेले होते. तर, सासरे गावात फिरायला गेले होते.

पिंकीचे १७ वर्षीय तरूणासोबत अफेअर सुरू होते. तिनं घरात कुणी नसताना प्रियकराला बोलावून घेतलं. त्यानंतर दोघांनाही मुलीनं एकत्र आक्षेपार्ह स्थितीत पाहिलं. पिंकीनं मुलीला फटकारले. मुलीनं सांगितलं ही बाब वडिलांना सांगेल. जेव्हा मुलीनं खोलीतून बाहेर जाण्याचा प्रयत्न केला. तेव्हा दोघांनीही तिला पकडले. तसेच गळा दाबून तिची हत्या केली.

मुलीनं स्वत:च्या बचावासाठी पिंकीचा हात चावला. पण गळा आवळल्यामुळे तिचा जागीच मृत्यू झाला. त्यानंतर दोघांनी मुलीचा मृतदेह पोत्यात भरला आणि विहिरीत फेकून दिला. मुलगी बेपत्ता झाल्याचे कळताच पोलिसांना याची माहिती देण्यात आली. पोलिसांनी तपासाची चक्रे फिरवली. पोलिसांनी मुलीचा मृतदेह विहिरीत सापडला. पोलिसांनी मृतदेह ताब्यात घेऊन शवविच्छेदनासाठी पाठवला आहे. तसेच आरोपी पिंकी आणि तिच्या प्रियकराला अटक केलीआहे. सध्या पोलिसांकडून अधिक तपास सुरू आहे.