Summary -

• उत्तर प्रदेशात भाजप नेत्याची हत्या

• झोपेत असताना गोळ्या झाडून केली हत्या

• हत्या झालेल्या नेत्याचे नाव धर्मसिंह कोरी

• मध्यरात्री ही घटना घडली पण कुटुंबीयांना सकाळी कळाले

उत्तर प्रदेशमध्ये भाजप नेत्याची गोळ्या झाडून हत्या करण्यात आल्याची धक्कादायक घटना समोर आली आहे. भाजपाचे अंबेहटा मंडळाच्या उपाध्यक्षाची हत्या करण्यात आली. मध्यरात्री हत्याकांडाची ही घटना घडली. टीडौली गावामध्ये राहणारे आणि भाजपचे अनुसूचित मोर्चाचे मंडळ अध्यक्ष सुनील कोरी यांच्या वडिलांची हत्या करण्यात आली. धर्मसिंह कौरी(६५ वर्षे) असं हत्या झालेल्या भाजप नेत्याचे नाव आहे. या घटनेमुळे उत्तर प्रदेशमध्ये खळबळ उडाली आहे.

सुशील कोरी यांनी सांगितले की, सकाळी माझी बायको सुनीताने पाहिले की माझे वडील झोपलेल्या खाटेजवळून रक्त वाहत होते. ते पाहून ती प्रचंड घाबरली आणि ती जोरजोरात ओरडू लागली. त्यानंतर सर्वांनी घटनास्थळी धाव घेत. सर्वांना मोठा धक्का बसला. माझ्या वडिलांची डोक्यामध्ये गोळ्या झाडून हत्या केली होती. माझे वडील रक्ताच्या थारोळ्यात पडले होते. वडिलांची अवस्था पाहून आम्ही प्रचंड घाबरलो.

घटनेची माहिती कळातच पोलिसांनी घटनास्थळी धाव घेतली. पोलिसांनी मृतदेह ताब्यात घेऊन शवविच्छेदनासाठी रुग्णालयात पाठवला. या प्रकरणाचा तपास पोलिस करत आहेत. हत्या झालेल्या भाजप नेत्याच्या मुलाने सांगितले की, मध्यरात्री अडीच वाजताच्या सुमारास कुत्री भूंकत होती. त्याचवेळी फटाके फुटल्यासारखा मोठा आवाज आला. आम्हाला वाटले गावामध्ये दोन लग्न आहेत तिथे फटाके फोडत असावेत. फटाक्यांच्या आवाज समजून आम्ही सर्वजण झोपून गेलो.पण सकाळी उठल्यानंतर कळाले की वडिलांची हत्या झाली.