Uttar Pradesh bus accident : उत्तर प्रदेशमध्ये मंगळवारी पहाटे ट्रक आणि बस यांचा भीषण अपघात झालाय. ट्रकला जोरात धडक झाल्यानंतर बस पलटली अन् पेट घेतला. या दुर्दैवी घटनेत ३ जणांचा जागीच मृत्यू झाला आहे. तर २५ जण जखमी झाले आहेत. जखमींना तातडीने जवळच्या रूग्णालयात उपचारासाठी दाखल कऱण्यात आलेय. ५ जणांची प्रकृती अतिशय चिंताजनक असल्याचे सांगण्यात येत आहे. त्या सर्व जखमी प्रवाशांना पुढील उपचारासाठी बहराइच येथील सरकारी रूग्णालयात हलवण्यात आलेय. त्यामुळे मृताचा आकडा वाढण्याची भीती व्यक्त करण्यात येत आहे. उत्तर प्रदेशमधील पुलवरिया बायपासजवळ हा अपघात झाला आहे.

अपघाताची माहिती मिळताच पोलीस आणि प्रशासकीय अधिकारी घटनास्थळावर पोहचले. बिहारमधील सौनौलीमधून राजधानी दिल्लीकडे बस निघाली होती. त्यावेळी ट्रकला जोरात धडकली अन् पलटली. त्यानंतर बसने पेट घेतला. या अपघातामध्ये ३ जणांचा मृत्यू झाला. तर ५ जण अतिशय गंभीर जखमी आहेत. २५ जखमींवर सध्या रूग्णालयात उपचार करण्यात येत आहे. आग लागल्यामुळे मृतदेह जळून राख झाले आहेत. त्यामुळे अद्याप त्यांची ओळख पटवता आलेली नाही. जखमींपैकी अनेकजण हे नेपाळमधील असल्याचे समोर आलेय.

बिहारच्या सोनौलीहून दिल्लीला जाणारी बस पहाटे २:१५ वाजता उत्तर प्रदेशमध्ये फुलवारिया चौकात एका ट्रकला धडकली. ही धडक इतकी भीषण होती की बसचे नियंत्रण सुटले अन् ती उलटली त्यानंतर आग लागली. प्रवाशांनी खचाखच भरलेल्या बसने पेट घेतल्याने भीतीचे वातावरण पसरले. आरडाओरडा ऐकून जवळील रहिवासी आणि इतर वाहनांमधून जाणाऱ्यांनी बचाव आणि मदतकार्य सुरू केले. अनेक प्रवाशांनी काचा फोडल्या आणि बसमधून बाहेर पडून इतरांना वाचवण्याचे काम केले. पोलिसांना आणि अग्निशमन दलालाही तात्काळ याबाबत माहिती दिली.

अपघाताची माहिती मिळताच स्थानिक पोलिस, वाहतूक पोलिस आणि अग्निशमन दलाच्या पथकांनी घटनास्थळी धाव घेतली. तात्काळ मदतकार्य सुरू केले. जखमींना रुग्णालयात दाखल कऱण्यात आले. अग्निशमन दलाच्या कर्मचाऱ्यांनी बस आणि ट्रकमधील आग विझवली. लोकांना बाहेर काढेपर्यंत दोन प्रवाशांचा मृत्यू झाला होता. नंतर एका व्यक्तीचा मृतदेह बसखाली आढळून आला. जखमींना प्राथमिक उपचारांसाठी बलरामपूर येथील संयुक्त जिल्हा रुग्णालयात पाठवण्यात आले.