UPMockDrill saam tv
देश विदेश

७५ जिल्ह्यांत अचानक बत्ती गुल अन् सायरनचा टँव टँव आवाज; राज्यात खळबळ, नेमकं काय घडलं?

Up Mock Drill Blackout In 75 Districts: उत्तर प्रदेशातील ७५ जिल्ह्यांत संध्याकाळी सहा वाजता अचानक ब्लॅकआऊट करण्यात आला. दोन मिनिटे हवाई हल्ल्याचा सायरन वाजला.

Omkar Sonawane

उत्तर प्रदेशमध्ये आज संध्याकाळी सहा वाजताच संपूर्ण राज्यात अचानक अंधार पसरला. राज्यातील सर्व 75 जिल्ह्यांमधील वीजपुरवठा एकाच वेळी बंद करण्यात आला. त्यानंतर हवाई हल्ल्याचा इशारा देणारा सायारन वाजवण्यात आला, त्यानंतर हवाई हल्ल्याचा इशारा देणारा सायरन वाजवण्यात आला. तब्बल दोन मिनिटे हा सायरन वाजत होता. अचानक घडलेल्या या प्रकारामुळे नागरिकांमध्ये काही काळ संभ्रम निर्माण झाला. मात्र हा कोणताही प्रत्यक्ष हल्ला नसून आपत्कालीन परिस्थितीचा सामना करण्यासाठी आयोजित करण्यात आलेली मॉक ड्रिल होती.

युद्ध, हवाई हल्ले किंवा अन्य आपत्कालीन परिस्थिती उद्भवल्यास नागरिकांचे संरक्षण कसे करायचे आणि संबंधित यंत्रणांनी कशा प्रकारे काम करायचे, याची तयारी तपासण्यासाठी ही मॉक ड्रिल आयोजित करण्यात आली होती.

उत्तर प्रदेशातील ७५ जिल्ह्यांत एकाच वेळी मॉक ड्रिल

उत्तर प्रदेशातील नागरी संरक्षण व्यवस्था अधिक मजबूत करण्यासाठी राज्यातील सर्व ७५ जिल्ह्यांमध्ये एकाच वेळी सिव्हिल डिफेन्स एअर रेड आणि ब्लॅकआऊट मॉक ड्रिल घेण्यात आली. नियोजित कार्यक्रमानुसार रविवारी संध्याकाळी सहा वाजता संपूर्ण राज्यातील वीजपुरवठा बंद करण्यात आला. त्याचवेळी हवाई हल्ल्याचा इशारा देणारा सायरन वाजवण्यात आला.

या सायरनचा आवाज जवळपास दोन मिनिटे सुरू होता. यावेळी वाहतूक थांबवणे, रस्त्यांवर थांबवण्यात आलेल्या वाहनांचे हेडलाइट आणि इतर दिवे बंद करणे, अशा प्रक्रियांचा सराव करण्यात आला. त्यानंतर संध्याकाळी ६ वाजून १० मिनिटांनी वीजपुरवठा पुन्हा सुरू करण्यात आला. तसेच वाहतूक पूर्ववत करण्याचाही सराव करण्यात आला. प्रमुख चौक आणि गर्दीच्या ठिकाणी पोलीस अधिकारी स्वतः उपस्थित होते. ब्लॅकआऊटच्या परिस्थितीत विविध सरकारी विभागांमधील समन्वय, आपत्कालीन प्रतिसाद आणि नागरिकांच्या सुरक्षेसाठी असलेल्या व्यवस्थेची चाचणी घेणे हा या सरावाचा मुख्य उद्देश होता.

सकाळ+चे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.

Self Reflection : जाता-येता आरशात स्वत:ला बघणारी व्यक्ती नक्की काय विचार करते? काय आहे त्यामागील मानसशास्त्र

Maharashtra News Live Update: विरोधकांना विदेशातून मोठी आर्थिक ताकद…मंत्री विखे यांचा मोठा आरोप

Zunka Bhakri Recipe: थंडीत रात्री जेवणासाठी करा खमंग स्वादिष्ट झुणका-भाकर, वाचा आजीची खास रेसिपी

'गरीब की बीवी सबकी भाभी...; वादग्रस्त विधानामुळे मनपा महासभेत राडा, ठाकरे गटाच्या नगरसेवकाला सभागृहाबाहेर काढलं!

Actor Death: मनोरंजनसृष्टीतील आणखी एक तारा हरपला! प्रसिद्ध अभिनेत्याचे निधन; परदेशात अखेरचा श्वास, सिनेविश्वात हळहळ

SCROLL FOR NEXT