हा विध्वसंक हल्ला झालाय.... व्हेनेझुएलाची राजधानी कॅराकसमध्ये...2 जानेवारीच्या मध्यरात्री अमेरिकेने व्हेनेझुएलावर थेट लष्करी आक्रमण केलं...अमेरिकन हवाई दलाच्या विमानांनी व्हेनेझुएलाची राजधानी कॅराकस आणि लष्करी तळांवर भीषण बॉम्बहल्ला केला. एक दोन नव्हे तर तब्बल 7 ठिकाणी अमेरिकेनं बॉम्ब हल्ले केले. त्यामुळे 30 मिनटं चाललेल्या कारवाईनंतर संपूर्ण व्हेनेझुएलामध्ये भीतीचे वातावरण पसरलं... व्हेनेझुएलामध्ये तातडीने देशव्यापी आणीबाणी जाहीर केली...

या हल्ल्यानंतर अमेरिकन सैन्याने व्हेनेझुएलाचे राष्ट्रपती निकोल मादुरो आणि त्यांच्या पत्नी सिलिया फ्लोर्स यांना ताब्यात घेऊन अमेरिकनं सैन्याने दोघांनाही थेट इवो जिमा या युध्दनौकेवर नेण्यात आलं. त्यानंतर त्यांना अमेरिकेत आणून न्यूयॉर्कमधील जेलमध्ये डांबण्यात आलयं..

अमेरिकेचा व्हेनेझुएलावर हल्ला

अमेरिकेच्या मिशनचं नाव 'सदर्न स्पीअर'

ट्रम्प यांच्या पहिल्या कार्यकाळातच मादुरो यांना पकडण्यासाठी मिशनची तयारी

राष्ट्रपती मादुरो यांच्यावर आधीच अमेरिकेकडून कोट्यवधींचा इनाम जाहीर

मिशनमध्ये अमेरिकेच्या 150 विमानांचा समावेश

'गेराल्ड आर फोर्ड' विमानवाहू नौकेसह नौदलाच्या युद्धनौकांचाही हल्ल्यात समावेश...

व्हेनेझुएलच्या हल्ल्यात आतापर्यंत 40 लोकांचा मृत्यू झाल्याची माहिती

अमेरिकी लष्करांच्या 'डेल्टा फोर्स'कडून मिशन यशस्वी

दरम्यान, मादुरो यांच्या अटकेनंतर आता जगभरातून प्रतिक्रिया उमटतायत...अमेरिकेतील विरोधी पक्षांनी ट्रम्प यांच्यावर टीका केलीय...काही देशांनी समतोल भूमिका घेत ट्रम्प यांना थेट विरोधी करण्याचे टाळले आहे. मात्र, व्हेनेझुएलातील अस्थिर राजकीय स्थितीचा फटका संपूर्ण जगाला बसण्याची भीती आता व्यक्त केली जातेय...

व्हेनेझुएलामध्ये जगातील सर्वात मोठा तेलसाठा आहे. त्यामुळे या घटनेमुळे तेलाच्या किंमती 6 ते 7 टक्क्यांनी वाढण्याची भीती व्यक्त केली जातेय...त्यामुळे हा संघर्ष कधी निवळणार याकडे साऱ्या जगाचं लक्ष लागलंय.