एका महिला डॉक्टरला दोन भाजप नेत्यांनी तिचे अश्लील व्हिडिओ बनवून ब्लॅकमेल केल्याचे प्रकरण समोर आले आहे. गेल्या पाच दिवसांपासून या प्रकरणामुळे उतरप्रदेशच्या भाजपमध्ये मोठी खळबळ उडाली होती. पक्षांची काही पदाधिकाऱ्यांनी या दोन्ही नेत्यांविरोधात बैठक घेऊन हकालपट्टी केल्याची मागणी केली होती.

आता महिला डॉक्टर स्वतः समोर आली असून तिच्या तक्रारीवरून पोलिसांनी गुन्हा दाखल केला आहे. गुन्हा दाखल होताच भाजपचे जिल्हाध्यक्ष भुपेंद्र चौधरी यांनी या दोघांना पक्षातून काढून टाकले. हे प्रकरण सोशल मीडियावरही मोठ्या प्रमाणात गाजत होते. मंगळवारी संध्याकाळी महिला डॉक्टर कुटुंबासह पोलीस स्टेशनमध्ये पोहोचले आणि भाजप नेते प्रभात यादव याच्या विरोधात तक्रार केली.

प्रभात यादवने मैत्री करत जवळीक वाढवली. अन्नामध्ये अमली पदार्थ मिसळले आणि बेशुद्धवस्थेत तिचे अश्लील फोटो आणि व्हिडिओ काढले. नंतर हे फोटो आणि व्हिडिओ दाखवून पैशांची मागणी केली आणि शारीरिक आणि मानसिक शोषण सुरू ठेवले. या त्रासाला त्रस्त होऊन तिने मोठ्या हिमतीने सासरच्या आणि माहेरच्या लोकांना सर्व आपबीती सांगितली. पोलिसांनी तक्रार दाखल करून अधिक तपास करत आहे.